بقلمي / محمد البنا
Mohamed Elbanna
عمّنا جابي
عمنا جابي
حط ضريبة زمان على أكلي
وحط ضريبة كمان لشرابي
وحط ضريبة كمان على شارعي
وحط ضريبة كمان على برعي
يوم ما أتذل وجه للدنيا
وهو بيحبي ..
ويوم بسلامته ما دخل الجامعة
ويوم ما أتجن ودخل الدنيا
ويوم ما طلاقه ده هل ف ثانية
وحط ضريبة كمان على صوتهُ
وإن كان أبكم
يبقى ضريبة كمان لسكوته
وإن جه موتهُ
يحط ضريبة كمان على موتهُ
عمنا جابي لما اتنبه
شاف الهوا عريان ف الضيّه
حط ضريبة على الفجرية
وع الضهرية وع العصرية
ولما الشمس تروح وتغرّب
وأما الليل ف بلدنا يقرّب
وعلى بهايمنا
لما بتاكل ..لما بتشرب
عمنا جابي
اتجننت ف يوم وعاتبته
حط ضريبة على عتابي .
كتب بتاريخ يناير 2012
