.......في الحقيقة....
اما بعد ..فِ الحقيقه
انتي انسانه بريئه
كنتي ليه دايما جريئه
ليه عجبتنى رقِّتك ؟؟!
كنت فاكر انك هتبقِى
ظهر ليا فِ كسرتى
كنت عايش اعيش عشانك
كان غرامِك سكتى
كنت مهما ازعل بلاقى
جوا حضنِك فرحتى
كنت حاسس انى عايش
بس بحفر تُربتى
ليه قلبتي الحب قسوه؟
ليه قلبتي الشوق عذاب
قولى ليه علقتينى
لما كان حُبِّك سراب ؟
كنت عارف من ساعتها
ان يوم فراقنا جاىّ
بس برده قلت يمكن
اللى مات راح يبقى حىّ
قلت يمكن لحظه تفهم
او تحس بحبي ليها ..
تحبنى ..؟؟؟؟!!
كنت عايش خادع نفسى
سايب شوقها يشدنى
كنت لما اقول وحشانى
الاقى ايديها تصدنى
ايوه فعلا كنت عايش
بس عايش جسم بس
روحى ماتت
..نفسى طايشه
هي قلبها يوم ما حس
هي عايشه وعادى جدا
و انا اللي بتألم وبس
عينها جات ف عينيا تانى
قلت لا يمكن هحنّ
او هحس بشوقها تانى
مستحيل...
دا الشوق يجنّ
لحظه عدت ..
لحظه تانيه ..
عينى فارقت عينها ثانيه
كنت ميّت في مكاني
#في_الحقيقة.
#عبدالله_الأمير
من #ديوان_الغلابة
أعجبني
