وجع الغلبان
...........
انا مهما حصل احلف لموت فى ترابك
انشالله تخدى دمى عشان تحيي شريانك
بس صدقينى كتير عليا
لانى معدتش قادر ارفع ايديا
قلبى كان مليان بنبض
ليه بقيت من كل شئ اتخض
الكل ماشى معذور
وبقينا ناكل ف بعض
كنت مفكر الورد هشوفه وسط الجناين
لكن للاسف مش شايف ورد ولا عدت اصلا باين
لما مش عارف اتحصل على قوت عيالى
هو انتى زعلانه منى وللا كنت ف يوم خاين
اوعى كلامى يدمع عيونك
بس انتى عارفه طول عمرى هافضل اصونك
بس صدقينى كتير
لما تبيعى وتشترى ف ولادك
الخضار بقا سعره نار
واللحوم خلت الناس عايشه ف مرار
خايفين يا عينى ياكلو
لتطلع اللحمه ف الاخر لحم حمااااار
وتيجى ف الاخر عايزة تفرضى ضريبه
والنبى بلا خيبه
احنا مش عارفين راسنا من رجلينا
دا حتا تبقا عيبه
مش لازم اسمه ايه....
ياخد مرتب مليون جنيه
دا كفايه انه اسمه بيه
وانا ف اليوم مش مكمل عشرين جنيه
اخاف اشق هدومى
مش هعرف اجاب غيرها
وترجعوا تانى تلومونى
وتقولولى عريان ليه
بقلمى /
الشاعر نبيل محمد امين
