أعتذار
===========
بعتذر عن كل حلم ..أتولد
مبتور ومشوه وطالب مدد
الحلم كان فكر حر أتولد
هربان من خنقه ولاد البلد
******************
تمثيل فى مسرح للعرايس
ومحدش شايف ولا عارف
مين فى الظلمه ماسك الخيوط
ولا مين اللى بيلعب بالأمل
*********************
وقيود بتربط الكلام
وتلبس الحروف لجام
بجنزير مصدى والسلام
على شوية تماثيل للعظام
******************
لكنها مرميه وبلا أى.. أهتمام
مع أنها.. أصل الوجود
والحضاره والسلام
وفى بلادنا الناس..طيبين و... تمام
*********************
ورباط للأيد على سكه حديد
مكبله رجلين حلم أصيل وجديد
والأمنيات واقفه ورا سور حديد
هناك بتتفرج ومستنيه يوم العيد
**************************
ودمعتها حسره وندامه
ورابطه شريط أسود
على راسها ومثبتاه بالأيد
والأمل مستخبى بين البلح والجريد
*******************
والحلم ريشه فى
جناح حمام أبيض
لكنه أعمى وحلف مايطير
وطريقه تايهه وبقى محتار
وسط الجدل و الهوس بقى
شريط سكه حديد ممدود
******************
والكلمه رايحه تشتكى
لكبير.. حارتها*
وفاكره أن نبوته ...قوى
هايرد حقها... ويسد حاجتها*
*********************
انما للأسف ...الحلم
ميت قبل ما يتولد
لأن عصابه ....الحشاشين
احتكرت سوق الأمل
**********************
والأحلام وزعوها
هدايا مع الدولار
وباعوها سوق سودا
ببيوت الصرافه
وأسواق الدياسه
والتلون والسياسه
وبيع الضميربقى عاده
و فاقت العدد وبزياده
********************
والأمنيا ت ...شبه الشباب
أما ترضى تعيش
مكفيه على الكفاف
والخضوع والجفاف
ورغيف العيش المدعم والسلام
وأما تغتصب
فى عز الظهر ويا الطهر
فى وسط ساحات
سجون الفكر الغبى
وضلمة عقول من حجر
ومفيش مجال للنقاش
وسط بحورالفساد
ومفيش مكان هنا
للفرح أوالطرب
********************
بقلم /// محمد العليمى////