ا اللى بوطّى على ايدك
وابوسها والشرف ليّا
وانا اللى عشقت تسنيدك
ف يوم ماشالتنى رجليا
تخوننى خطوتى القى
ف ايدك نجدة فورية
وضمة لحضن فيه جنة
وبوسة لكل مافيا
وخوفك كان يفوق لجنة
ف حالة شد امنية
ماتسمحشى بمرور حتى
ولونسمة معدية
ولمّا كنتى تتوضى
احاول امسك الميه
تقولى بس روح هات لى
من الاوضه (المصلية)
وانا من فرحتى اجرى
كأنى سرية رياضية
وتيجى لحظة الفاتحة
وانااللى صفوفى خلفية
اردد قال بصوت عالى
كأنى حفظت الالفية
ولما تتمى صلواتك
كان التسبيح على ايديا
عشان مجريش بعيد عنك
وعينك حاضنة لعنيا
دعايا بس طول عمرك
ولو تاخدى العزا فيا
