لى حافظ المتولى
انا اللى طول عمرى
******
*******
*******
انا اللى طول عمرى با اعانى
وحابس احزانى جوايا
وليه يا دنيا بيعانى
وعمرك ما جيتى على هوايه
*******
حتى الفرح نسى بابى
ويا ما ناس كانو اصحابى
ولما دارت ايامى
ما عادوا بيخطو اعتابى
*********
فى الفرح كانو حوليه
وفى جرحى ما سألوا عليه
مديت ايديه يساعدونى
ما لاقتشى منهم حنيه
***********
كفايه يا دنيا بقى كفايه
جبتى اخرك ويايه
وكل ما اقول ها تسمحى
تزيدى فى عنادك ويايه
*******
تزيدى فى جراحى وتنسينى
وم الدموع ما نامت عينى
والقلب مليان احزان
وناره الحزن بتكوينى
******
عمرى ليكى ما انا مسامح
لو ها ترجعينى تانى امبارح
دا انا فيكى ياما قسيت
ما اعرف بكره من امبارح
******
على حافظ
