بنتى جنى
==================
كتبت أشعارى فى كل الناس
إلا حبيبتى جنى
دى حبها غير حب الناس
وعشقها جننى أنا
سنة ورا سنة بتكبر يا ناس
وجمالها زاد فى عينى هنا
دى شعرها خيوط الماس
وعنيها بنى ملونة
وخدودها تفاح على أناناس
وخصرها أستك ولينة
وشاطرة جدا قال فى الماس
وعايزة للمعمل عينة
وفى الكيمياء والأحياء أتوبيس
ما يقفش غير عندى أنا
وفى العربى أبو نواس
وحافظة قرآنها ومتدينة
وفى الفرنساوى أكس بريس
وفى الأنجليزى متمكنة
يحرسك ربى وسط الناس
طيبة وأميرة وحنينة
بدعى لك يا جيكو يا جنى
يطولة العمر والجدعنة
مع أخواتك وأصحابك وفى كل سنة
فى عيد ميلادك تستنينى
أطفى شموعك بحنينى
ولو مت أبقى إفتكرينى
ده بابا كان عنده قلم
ما خدش منه غير الألم
يكتب حكايات تسليَنا
وتنَزل الدمعة فى عينينا
يرحمك ربى يا أبويا
وبدعى لك أنا وأخوبا
لو مش معانا بالغفران
ولو معانا تعيش كمان وكمان
وتفرح بيا وأنا عروسة
محتاجة منك ألف بوسة
وتشوف عيالى صبيان وبنات
وتكتب لهم أغانى وحكايات
كل سنة يا جنى
وأنتى بألف خير وهنا
ومنورانا كلنا
يا جنى يا جنى
====================
أيمن طه
أعجبني
