)مصر (
!!!!!!!!
متعلقة بكل الحبال الدايبة ليه متعلقة
ولصوص بتسرق في الحواري الضيقة
وكلاب بتنهش جوه لحمك
وانتي اللي لسة مصدقة
يا طيبة يا حنينه
يا مزوقة توبك بورد النيل
يا مجففة دمع الحزين
ومطيبة جرح العليل
ليه لما اعوذك
تلوي بوزك
وتداري وشك عني ليه
مع اني لو حبيت ابوسك
واحضن ترابك بالتقية
زي الدهب ف الاصل غالي
والغالي دايما تمنه فيه
........
يا حلوة ياللي بتمسحي
عرقك في توب الشقيانين
آن الأوان يالله افتحي
حضنك لكل العاشقين المغرمين
المحرومين من حضنك الدافي الامين
مين غيري ممكن يخدمك
ويشيل ترابك فوق دماغه ويرسمك
على صدرة زهرة مفتحة ومنورة
مين غيري مين
مين غيري ممكن لو يجوع يتحملك
او غاب يومين يرجع بسرعة يحنلك
لو في الشتا نزل المطر
راح تلتقية.
لابد في حضن الارصفة
رافض يدور ع الدفا
مين غيري مين
مين غيري ممكن يوم يفوت اهله
وناسه وعزوته او يوم يموت
باشارة منك حتلاقية يجري
يدافع ع الحدود. ......
شعر /محمد ابراهيم عبدالحفيظ
أعجبني
