قصيدة ( قرب مني )

الشاعر عاطف عمر

القناطر الخيريه

قرب مني.
طب فهمني.
يلى أخدت العين والنني.
قرب مني.

قرب مني.
نفسي اشوفك أحسن مني.
قرب مني.

قرب مني ، وانا هديلك عمري هديه.
لو كان يوم ، لو كان شهر ، هديلك متهونش عليه.
ما انت الماضي والمستقبل ، كل ما ليه.
آيوه بكون مرتاح وآنا جنبك ، بعدك عني يأثر فيه.
بعدك عني يعز عليه ، ما انت كمان النور لعينيه.
قرب مني.

قرب مني ، يلي صبحت لروحي حياه.
يا ما تعبت ، وقولت فى سرى كلمة أه.
بس قابلتك ، ذوقت الشهد وقولت الله.
قرب مني.

قرب مني ، ولا تسيبنيش ، ولا ترحل تاني.
ولا عمري فى يوم ...هابقي اناني.
اتغيرت كتير علشانك ،أصبحت أكيد انسان تاني.
قرب مني ، يلى اخدت العين والنني.

قرب مني ، وانا على راسي ....همشيلك كل المسافات.
لو ينزف عرقي على جبيني ،يكفيني منك نسمات.
لو تسود الدنيا فى عيني ، يكفيني منك نظرات.
لو تقف اللقمه فى بلعومي.يكفيني .......من شهدك قطرات.
لو يسقط قيدي فى الدنيا .يكفينى شهادتك بالذات.
قرب مني .
قرب مني ، يلى اخدت العين والنني.
قرب مني ، نفسي اشوفك احسن مني.

أعجبنيإظهار مزيد من التفاعلاتتعلي