قصيدة ( مصر عكس السير )
الشاعر / عاطف عمر
القناطر الخيريه
أنتو عملتو أيه يا جماعه لمصر الحره.
هى دى مصر الغاليه علينا .....وأكبر دره.
ليه بعتوها....وتركتوها.....تنزف دم.
ليه تخلوها تعيش القهر...تعيش الغم.
عايشين طول عمرنا فى سلام...وأولاد عم.
بس أكيد الحق علينا....حملنها أكبر هم.
هي دي مصر اللى تعلمنا فيها الخير.
هى دى مصر اللى تعلمنا ...نعطي الغير.
ليه تخلونا نلف ندور...وكمان نمشي عكس السير.
هي دي مصر ؟.........بلد الخير.
هي دى مصر ؟....بلد العلم..بلد الازهر.
.بلد الهندمه ..بلد المظهر.
كان لما السائح يأتيها....يتصور فيها ويتمنظر.
ولا النيل ..والله جميل....كان الشاطئ...واللهِ يبهر.
قبل ما نرمي فيه مجارينا...كان طعمه زمان زى السكر.
