أصحاب العمر
====================
قعدت أحكى وأأقول حكايات
عن الزمن اللى عدى وفات
وأحلام كانت على باب الدار
مزروعة جوانا وإحنا صغار
وتكبر وتكبر معاها خطوتنا
ولمتنا وضحكتنا ودنيتنا
وخوفنا من الفراق قتًال
وسؤال بيجر ألف سؤال
عن الصحبة وعن الطيبة ودوام الحال
وعن زهرة بتشكى حالها فى الموال
وحب طفل لبنت الجيران وأحلام
كانت بريئة وخالية من الآلام
كنا نجرى و نلعب بنات مع صبيان
وعلى هدومنا حاجات ياما من الألوان
و نخاف على بعضنا ولا الإخوات
وحاجتى هى حاجتك وبملك كل الحاجات
جه الزمن وقسوتة حط بينا كتير مسافات
اللى سافر واللى عاش فقير واللى مات
لكن الذكريات كلها فى قلوبنا سايبة -------------أنوار
نبص فى الصور ونضحك وبينا ياما-----------أسرار
ما يفهم حد ضحكتنا ولا يفهم سراحنا
القلب بيدعى للصحبة تعود تانى أيامنا
ونلعب تانى مع بعض -------------بس لعب كبار
وأشوف أبنك مع أبنى بيشبهنا--------وأحنا صغار
يا صحبة الطفولة والأيام الجميلة بدعيلكم
بالصحة والستر والرحمة وياريت أأقابلكم
ويلعب تانى أولادنا مع بعض ونتذكر
اللبن الحليب الصافى قبل ما يتعكر
أيام بتدوروتدور ويلعب اللى ----------------عليه الدور
الشعر الأبيض بيتفرج وجوه القلب--------- بقه مسرور
==============================
أيمن طه
أعجبني
