( قصيدة غنائية)
كل يوم بسال عليك
ياللي مابتسالشي عني
ياللي قلبي مشتريك
وانت قلبك ليه بايعني
قبل ما تبيع الليالي
قبل ماتندم يا غالي
كلمة واحدة ان قلتهالي
هابعت الاحلام تغني
كل يوم
*** *******
كل يوم بابعت جواب
ياللي مابتبعتشي رد
دا احنا مابنا حساب
والكلام فيه هات وخد
داانت مش عايز علام
داانت استاذ في الكلام
ياللي قلبك عمره مره
خلي قلبي يميل لحد
كل يوم
***** *******
كل يوم بانده عليك
وانت مش سامع كلامي
واما رحت اترجي فيك
برضوا مش هامك عتابي
قولي اعمل ايه يا قلبي
قولي اعمل ايه يا عمرى
قولي اعمل ايه في دمعي
قولي اعمل ايه ف غرامي
كل يوم
******* ***********
أعجبني
