حيره ولهفه
**********
لما تلمسني بأحساسك
يترعش فؤادي
يتزلزل كيانى
اهرب منك اليك
وبين ضلوعك اتخبى
واعشق الكلمه
المكتوبه ف عنيك
واتبسم واقول خايفه
والخوف دا كان لهفه
اسمع من تانى احساسك
وجوه همسك
المس النظره ف عنيك
وادور عليا من تانى
وانا جنبك
تتوه الحيره منى جوه قلبك
ومين يصبرني على بعدك
وانا ساكنه الشوق المرصوص
كما البنيان جوه ف صدرك
واقول الاه تخرج كما الجمره
من بين ضلوعي تدور عليك
الاقي الجنون مكتوب على جبينك
وحنيني يرجعنى ليك
واجري كما المهره على شطك
اتاريك انت المجنون وانا ليلى
................
منى حسن عيسى