شاعر المصرى شوقى غنيم
بتطلب منى السماح وانسى معاك اللى راح
للشاعر المصرى شوقى غنيم
*******************
بتطلب مني السماح وانسى معاك اللي راح
لو حتقدر تطيبلي الجراح انا موافقه بكل انشراح
بس انت موش حتقدر وانا معاك موش حاقدر
سيبني وقت أفكر ما تجيش بسهوله الافراح
الاحزان لما بتكبر ما تروحشي بين مسا وصباح
واللي فى القلب موش سهل يتغير عايزله طبيب وجراح
اللى يفهم فى الحب أكتر أكون لقلبه مصباح
انور له طريقه ومعاه أعبر ألصعب وانسى اللى راح
******
موش بس تمسح الدمعه اللي على خدي
وتطلب مني رضايا وودي
وذىما في الماضي أخدت كل شهدي
وهجرتني بعد ما أخدت كل أفراحي وسعدي
وكنت قاسي ما رحمتنيش
ووعدت كتير وتغدر وما بتجيش
موش سهل عليّه أنسى كل دا
وبتطلب من السماح بعد دا ودا
آجى اذاى على قلبي اللى كسرته
وانسى اذاي بعد كل اللي عملته وعملته
دا انا نفسي انسى بس موش قادره
وفضلت سنين وفيّه ليك وصابره
وطال البعاد لما الولاد بينا كبروا
ومعايا على هجرك اتحملوا وصبروا
بس أنا حاجي على نفسي لطاعة الله وأمره
بس انت قبلا اديني الأمان
عايزه أحس تاني فيك الحب والحنان
اللى بديته معايا من زمان
واللى فجأه راح فى النسيان
ونبني من تاني بيتنا طوبه طوبه
ونعلي فى البنيان
ونروي الورود اللى دبلت فى البستان
وارجعلك وولادى معايا فى أجمل فستان
وننسى اللى راح ونعيد من تاني الافراح
وتداوى الجراح
******
