زهرة البستان

مهما حاولتي تبعدي عني ----- صعب عليكي النسيان
كان غيرك أشطر أيوه لأني ------ جوه قلبك وفي الوجدان
كتير حاولتي وجربتي وشوفتي ----- ولا نسيتي اللي كان؟
وشايفك أهوه زي ما أنتي ------- ندمانة ودموعك نهر أحزان
انتي وأنا مع بعضنا ----- روح واحدة في جسد انسان
مكتوب لنا وايه ذنبنا ----- نعيشوا حياتنا في حرمان
دوسي عليها بكل ما فيها ------- حنعيش كام من الأعوام
غدارة وفانية وكتير لاقيتيها ---- بتفرق قلوب والزمان خوان
ارجعي ليا يا كل ما ليا ----- كفاية قسوتها لقلب اتهان
واسألي حبك اللي مأثر فيا ---- راح يقولك أتولدنا الأن
تعالي وعييدي حياتنا الحلوة ----- تعالي يا عود الريحان
يا أجمل غنوة وأرق زهرة ------ شافتها عينيا بالبستان

كلمات / ابراهيم الغنيمي