.. أم الدنيا ...

   بقلم / #بسمه_فكري

                     ♡♡♡♡♡♡♡♡

وياليل ياعيني ي أغنيه

ياحلوه ياأحلى صبيه

يامصر يامه ياولاده 

ياحتة سكر بزياده 

ياحاضنه الكل كالعاده 

يامصدر دفء .. وغنوة حب 

يانيلك شهد.. وطيبة أهل

يامذكوره في كتاب ربي

ياحضن لكل اللي يعدي

ياضمه امان مافيش حرمان

ولو عدى سنين وزمان

هقول انا فيكي 

كمان وكمان ...

ياليل سحرك ومواويلك

يابرجك عالي اغنيلك

ابو الهول هنا جنبك

وهرمك قوه وعظمتك

وانا بنوته عشقانه

ادوب انا والله حيرانه

في قاعده حلوه على قهوه

تجمع ناس صحاب شله

وشاي خمسينه في المظبوط

وضحكه تسمع فى الملكوت 

تقول لسايح أنا مبسوط

دانا مصري وكلي امان

ياطيبه وهيبه ياست حنان 

أمان يابلادي 

ياساكنه فؤادي

يامصر يامه ياولاده 

ياحتة سكر بزياده

يااغلى أوطان 

فى اى مكان

يانبض الروح 

فى كل زمان

ياأم الدنيا 

أنا عشقان

           ♡¤♡¤♡¤♡¤♡¤♡¤♡¤♡¤♡

18/6/2016