ياااااه
لا تتخيل كم ألف مرة دارت هذه الأسئلة برأسى ...ليس لأنى لم أدخل السينما على مر الأعوام السابقة ..وليس لأنى لم أفكر فيها بل فكرت كثيرا ..لكن لأن السؤال ذاته الذى يمكن كبته بكلمة "خلاص...الموضوع اتقفل" لا يمكن كبته بنفس الأسلوب حين تصدر الأسئلة عن أخيك الصغير مثلا ..المراهق..الذى يرى أصحابه حميعا داخلين فيلم $#^&*^&)أ, اختك النى تخشى عليها .. و لا زالالمرء لا يدرى ماذا يفعل .
لنرد مبديا على بعض الأسئلة
1- نعم اعتقد وأظن انه ان كان من أصلاح المجتمع ان نصحح الأفكار والق5يم التى تنتقل عبر هذا الوسيط ..فليكن همنا فى هذا المجال هو دعم كل جهد فنى هادف ذو قيمة ورسالة "نظيفة وايجابية" وربما من ضمنها كثير مما يصدر الآن ..كخطوة للأفضل.
2- عدم دخول السينما ليس فقط لأن الأفلام سيئة ..بل المكان نفسه "مظلم - كبير - مختلط" والأشخاص فيه "غالبا اثنان من شباب اليوم " وقناعة منى بأن آيه الله سبحانه وتعالى تنطبق على فيه "واتقوا فتنة لا تصيبن الذين ظلموا منكم خاصة " وكذلك اقتناع ان الله لو نظر الى هؤلاء الخلق وانا بينهم نظرة غضب لما يرتكبه لعضهم من معاص بل وكبائر أحيانا..لا ادرى كيف ساكون بعدها .
3- البشر فى ذلك المكان ليسوا جميعا بالسوء الذى يتصوره البعض ..بل منهم كثير ممن نعرفهم ونعرف أخلاقهم وأسرهم وسلوكياتهم ..وكثير منهم أصدقاء لى..لكن لا زلت لا أرضى لأخى ولا لأختى ذلك الموضع ..صفة المجاهدين والداعين لا تعنى عدم دخول السينما ..بل أظنه جائز وباعتبارات معينة (المكان صالح للتواجد فيه - الفيلم محترم - صحبة جيدة وملائمة تكفى لردء مفاسد الغير - وحتى الآن لا اعرف كيف تجتمع تلك الاعتبارات لكن لنأمل ان تكون يوما ما مجتمعة فأشاهد أحد الأفلام مع عائلتى ولنأمل مثلا أن يكون (300 مجاهد اندلسى فى بلاط الشهداء"
تحياتى

استاذى

بالنسبة لاول سؤال

فى تخيلى لم يأن الاوان لدخول السينما
لان مفيش افلام جيدة

عدم دخول السينما من اسبابه ان مفيش افلام جيدة وبرضة مستوى الرفهية اللى احنا فيه اقل من كده شويتين وبالنسبة لاولويات المسلم اليومين دول تحتم عليه انه مش يدخل سينما
موافق على دخول السنما والضوابط اللى شايفها انى اشوف فيلم بيناقش قضية حقيقة وبيوصل هدف وادخل الفيلم بعد ما اخرج ابقى اكتسبت حاجات جديدة ويكون الفيلم مش فيه اى استهانات بالشرع


واكيد فى ضوابط شرعيه كتير جداً بتمنع الواحد من انه يدخل سينما لان الواحد ممكن يدخل مؤمن هيخرج زانى قلبه ظلم من كثرة الذنوب اللى فى الفيلم وهيخرج هينسى القضية اللى هو اصلا عايش علشانها وعلشان اكون صادق مع نفسى لو مش هينساهاه مش هتبقى حامية على قلبة لنفس الدرجة

بالنسبة للسينما وذكر الله اليومين دول فبجد من الاماكن التى لا يذكر فيها اسم الله ولا تعليق

بالنسبة لسمات المجاهدين انا شايف ان الاحسن وليس الحلال بمعنى انا شايف ان ده احسن حل مش ده الحل الوحيد ان الدعاه والمجاهدين يبعدوا عن الاماكن دى لاسباب كتير


نفسى بجد يا احمد تعلق انت تعليق بتبكتب فيه وجهة نظر احمد السباعى وصدقنى مستنية بفارغ الصبر


ربنا يجازيك خير

انا محتاج رد

ازيكوا يا رجاله انا على خفاجى
انا بصراحه شايف انه مينفعش اخ ملتزم يخش السينما مهما كان فيها
لان المكان دة كله معاصى ولازم يتخيل نفسه لو مات فى المكان دة هيقول ايه لربنا
وبامناسبه انا مدخلتش السنما غير مرة واحدة فى حياتى كنت لسه مدخلتش المدرسه يعنى كنت نونو صغير
لو فى حاجه يا ريت ترودو على
[email protected]
thanks

اسجل وجودي

وجاري التحضير للرد

السلام عليكم

جزاك الله خيرا على رأيك أختنا سناء

جزاك الله خيرا خالد باشا على رأيك

ومش عارف اللي بيقول انا محتاج رد

على باشا خفاجه المدونة نورت
وشكرا جزيلا على رأيك

وفي انتظار تعليقك ياابووائل

الردود كلها رأي واحد حتى الآن

بصراحة أنا منتظرردود أكثر ومن أشخاص محددين حتى أدلي برأيي

وبعد الموضوع ده هنزل موضوع كامل عن ماحدث في التعليقات

السلام عليكم

موضوع كويس و مسألة مهمة و ان احنا نتناقش فيها دى حاجة كويسة

انا بصراحة ما دخلتش سينما قبل كده فى حياتى الا من اسبوع بالظبط دخلت و كانت اول مرة و كنت حاسس بشعور غريب

فالاول كنت متضايق و انا داخل و بعد كده شوفت الفيلم و خرجت عادى و ايه رأيك فى الفيلم؟؟ و اليوم عدا

لكن انا رأيى فى الموضوع ده :

ان لو الفيلم كويس ( بمعنى ان هو من اعلانه انت شايف ان مفهوش حاجة - مناظر مش كويسة - و برده يكون فى قصة هادفة ) رأيى الشخصى ان ممكن تخشه و تتفرج عليه و لا يتعارض مع الشرع فى شئ .
و دا استنادا لفتوة من احد العلماء اللى سألتهم و قال الكلام ده

لكن يبقى نقطة صغيرة احمد تعرض ليها و انا حستها . انا قلت انى كنت متضايق و انا داخل السينما ف الاول

اعتقد ممكن كنت متضايق
عشان الواحد ملتزم و يدعى انه يعمل لله فا ميصحش انه يدخل مكان زى ده

ممكن عشان احد الاصدقاء ذكرنى انه ممكن يموت و هو بيتفرج على فيلم و فى السينما

ممكن عشان الحياة اللى المفروض الدعاة و الملتزمين يعشوها تكون خالية من اماكن اللهو و العبث و .....

مش عارف ..
انا مش عارف بعد كده هادخل و لا لأ لسه ما قررتش

بين رأى هذا الشيخ ان مفيش حاجة انك تدخل بس بشروط الفيلم اللى قولته

و بين حياتى و دعوتى و التزامى و هذا المكان الذى اخاف ان اموت و انا فيه

شكرا يا أحمد

و أرجو ان تقولوا رأيكم فى الموضوع

سنوسى

احم احم

مانا قولتلك بلاش يا ابو سباعي

يالله خليها علي الله بقي

انا بس عاوز في الاول نتخيل منظر ما الاوهو

ان احنا كلنا (كل الملتزمين والمتدينين )قاطعوا السينما وشجعوا الناس علي ذلك دونما تفريق بين الجيد والسئ

فاية هيكون الموقف؟؟؟؟؟؟
انا مثلا مثلا قبل العيد مباشرة المدير بتاعي قالي انا وواحد زميلي ايه رأيكوا انا عاوز اخش انا وزوجتي واولادي فيلم في العيد فأية رأيكوا نخش فيلم ايه

طبعا الاجابة ممكن تكون بأحد الطرق التالية
1-اني ااقوله ان السينما حرام ومكان لايذكر فيه اسم الله وتخيل نفسك لو مت انت وعائلتك جوة السيما هتقول لربنا اية

وفي الحالة دي يا صاحبي الراجل طبعا هيقفل من ناحيتي تماما بدعوي اني متزمت وعمرة ماهسمع لي تاني وهيدافع عن نفسه انه مش داخل يعمل حاجة غلط وانه داخل يفسح اولاده وهيكون عنده حق تماما

2-او اني متكلمش خالص

3-او اني ااقوله من خلال طبعا سماعي من فلان او علان ان الفيلم ده قصته كويسه ومش فية مناظر واشجعه علي دخوله
وفي نفس الوقت احذرة من دخول افلام اخري بها مناظر تخدش الحياء
وده بصراحة اللي انا عملتة لانه كدة كدة هو داخل السينما وهو مش بيعتبر ده فيه ادني مشكلة
فبدل مايدخل حاجة وحشة اشجعه علي دخول الحاجة الحلوة

انا عاوز ااقول من الكلام ده كلة ان الخمرة لم تحرم مرة واحدة وكل شئ بيتاخد بالتدريج
فانا شايف ان دورنا الوقتي ان احنا نشجع الافلام المحترمة الهادفة
ونخطي خطوات لجعل كل الافلام هكذا عن طريق ايجاد البدائل المناسبة

وفي نفس الوقت يجب علينا التحذيرمن وتشويه كل الافلام التي تقدم قيما متدينة ومناظر تخدش الحياء
يقول النبي (ص) خاطبوا الناس علي قدر عقولهم
ده بالنسبة للناس العاديه وكيفية التعامل معاها
اخيرا
ان الملتزمين بقي يخشوا الافلام بالشروط اللي احنا قلنا عليها دي انها تكون محترمة وبتناقش قضية (فيلم الجزيرة مثلا المعروض حاليا)ا

فانا شخصيا مادخلتش سينما حتي الان الا وانا صغير في المصيف وكنت مجبر علي ذلك لاني كنت مع اهلي
بس انا كنت ناوي اخش من فترة علي سبيل التجربة ليس الا
وقلت انا هادخل الفيلم ده من باب التغيير بس ماحصلش نصيب ومادخلتش (وده طبعا بعد ماسألنا شرعا فيهاوالراجل قلنا ان لو الشروط اللي انتوا بتقولوا عليها موجوده مافيش ادني مشكلة)ا

ومع ذلك انا اري ان الذي يدعي الالتزام يجب الايكون دخول السينما من العادات عنده ولكن ان كان فاعلا فهو من باب التغيير فقط وبالشروط التي قلنا عليها ويكون ذلك علي فترات زمنيه بعيدة كل تلات او اربع شهور مرة
يقول الامام الشهيد حسن البنا
: "أتصور المجاهد شخصًا أعد عدته، وأخذ أهبته، وملك عليه الفكر نفسه، فهو دائم التفكير، عظيم الاهتمام، على قدم الاستعداد أبدًا، إذا دُعِيَ أجاب، غدوه ورواحه، حديثه وكلامه، جده ولعبه، لا يتعدى الميدان الذي أعدَّ نفسه له، ترى في بريق عينيه، وتقرأ في قسمات وجهه، وتسمع من فلتات لسانه، ما يدلك على ألم دفين في صدره"،

وفي الوقت نفسه يصف عكس الحال الجاد فيقول :"اما الذي ينام ملء جفنيه ن و يأكل ملء ماضغيه ،و يضحك ملء شدقيه ،و يقضي وقته لاهياً لاعباً عابثاً فهيهات أن يكون من الفائزين ،أو يكتب في عداد المجاهدين ".

اسف للاطالة بس الموضوع ده مينفعش تتقال فيه وجهة نظر مختصره عشان ماحدش يفهم الكلام غلط

زوجي العزيز
مش عارفه
كان لي وجهة نظر ما
وبعد قراءة التعليقات
شعرت ببعض الحيره
ساعود قريبا

السلام عليكم ورحمة الله

جزاكم الله خيرا جميعا على مشاركتكم في المناقشة

الأخت سناء
خالد باشا
على بيه خفاجي
أحمد سنوسي
وائل

وفي انتظار المشاركة من جميع الزائرين
والمدونون


وفي انتظار هؤلاء على الخصوص

بنت من الاخوان - مكسرات
ومضات - الجعلي
شاهينشي - فوضى منظمة
أحمد أسامه

حتى نجمل الموضوع ونثري المناقشة

سمعت ان الشافعي ذات مره سأله أحد الشعراء فقال له :هل الشعر حرام ؟
قال له الشافعي مثل ماذا؟
فأنشد الشاعر قائلا:
إذا ما قال لي ربي أما استحييت تعصيني
وتخفي الذنب من خلقي وبالعصيان تأتيني
فما قولي له لما يعاتبني ويدنيني
فقال الشافعي ان كان مثل هذا فلا بأس
وترك مجلسه وقام ثم سمعوا بكاؤه وهو يردد إذا ما قال لي ربي........الابيات
.........
الشاهد من هذه القصه ان السينما أو المسرح لو ستحدث ما يحدثه شعر كهذا فألف مرحبا بها
أن كانت ستعلم
ستدخل السرور بلا إسفاف
......
ولابد نتذكر حديث الرسول صلوات الله عليه"لايبلغ المرؤ منازل المتقين حتى يدع مالا ريب فيه خوفا مما ريب فيه" أو كما قال صلى الله عليه وسلم
..............
في تساؤل في ذهني
ليه الرسول -في الجاهليه- كان كل ما ينوي يحضر عيد من الاعياد كان يتغشاه النوم؟
...........
خايفه اوي ان اقول انا هادخل الفيلم س بس
يجي اخواتي يقلدوني يدخلوا ص و ع

السلام عليكم
كام مرة أقولك سباعييييييي لا داعييييييييي لكن المرة دي انت جبت فيّا جون... لأ في داعيييي يا سباعيييي
الموضوع فعلا مهم خصوصا في الفترة دي بس في الاول عايزين نفرق بين حاجتين واحنا بنتكلم
الاولي السينما عموما دخولها حرام ولا حلال والتانية السينما في وضعنا الحالي والموجودة حاليا
بيتهيألي اننا كلنا حنتفق ان طالما الفن المعروض هادف و لا يوجد به أي مخالفات شرعية فده زي الشعر اللي قالت عليه (بنت من الاخوان) أما لوغير كده فده أكيد حنتفق انه حرام
تعالوا نتكلم بقي عن السينما لموجودةالان الكلام من ناحية المخالفات الشرعية خد عندك يا سيدي)الممثلات ظاهرين من غير حجاب يعني شعرهم ولابسين ملابس سيئة جدا الي جانب وجود قصة حب في أي فيلم حتي لوكان فيلم ما فيهوش مناظر سيئة وقصة الحب دي بتبقي لو حتي متجوزين في الفيلم ومايترتب عليهامن مناظر (اسف في التعبير)قبلات وأحضان لانهم متجوزين في الفيلم وكل دي مخالفات شرعية تصل الي درجات الزنا المختلفةكما قال صلي الله عليه وسلم((العينان تزني وزناها النظر واليدان تزني وزناها اللمس...)ده لو الفيلم محترم او أكشن دي المخالفات الشرعية الموجوده علي شاشة السينما
طبعا في مخالفات أخري موجودة في صالة السينما حدث ولا حرج
كل ده يعتبر منكر يجب تغييره كما قال النبي صلي الله عليه وسلم (من رأي منكم منكرافليغيره....)ومن هذا الحديث النبوي قال العلماء أن تغيير المنكر فرض وأبسط درجات التغيير زي ما احنا عارفين هو تغيير بالقلب لو احنا ما بنضحكش علي نفسنا بقي ينفع بالعقل اني أكون غاضب علي هذا الأمر لو حتي بقلبي وأفضل قاعد في المكان دهبيتهيألي صعب أبسط حاجه في اتكار المنكر هجر أصحابه فقد قال النبي صلي الله عليه وسلم أول ما أصاب بني اسرائيل ان يري أحدهم الاخر علي المنكر فينهاه فلا ينتهي فلا يمنعه ذلك من أن ياكله ويشاربه ويجالسه(هذا ليس نص الحديث بالضبط)
وبعدين تعالوا نبصلهامن ناحيةالتزكية في البداية يكون القلب منكرا للمنكر ثم بعد ذلك ما يسميه علماء التزكية إلف المعصيةأي انه يتعود وجودها ثم يحدث بعد ذلك أنس المعصية أي انه يانس بوجودها وتسعده ثم تصل الي العادة
انا عارف ان انا طولت معلش بس انا لسه عندي كلام كتير لو في فرصة تانيةأبقي اكتبه ان شاء الله وممكن نسمي الردود دي الصواعق المرسلات في تحريم السينمات هههههههونكمل بعدين

انا دخلت السينما مرة واحدة


وكانت من زمان اوي

وكانت تجربة وحشه اوي

مش وحشه من ناحية ان الفيلم

مكانش محترم اوفي مناظر مش كويسه

لأ هو كان فيلم عادي

وساعتها مكانش في دماغي

كنت بقول ايه يعني ما كل الناس

بيدخلوا السينما بس اما بفكر

فيها دلوقتي بسأل نفسي انا

استفادت ايه؟
مفيش

طيب كنت فرحانه ساعتها ولا زعلانة؟

ولا حسيت بده ولاحسيت بده

ومن الحاجات الانا هملتها وندمت عليها

ان انا دخلت السينما من غير سبب

من باب دخول السينما وخلاص

بس انا من وجهة نظري

لو في فيلم بيناقش فكرة محترمة

ومفهموش اي مشهد غير محترم

ولو بسيط ..وان انا داخله السينما

من باب معرفة فكر الفيلم او كاتب الفيلم عايز يغرس ايه فأنفسنا
فليه لأ
او انا مثلا بوصل فكرة للمجتمع

ومحتاجة معرفة ايه الفائدة من الافلام

الموضوع محير جدا

بس رأى أستاذ وائل كويس أوى بالذات الجزء الأخير عجبنى أوى

هل آن الأوان لدخول السينما من جديد مع ظهور بعض الأفلام التي تناقش مواضيع أو تحكي قصص جيدة؟

نعم .. أظن ذلك .. خاصة مع غزو هذه الوسائل للشعوب .. أظن أنه في البداية قبل ظهور المدونات والمنتديات كان الذي يعرف عنه دخوله إلى النت وهو ليس باحث يعامل معاملة المذنب , لذلك أظن لو وجد البديل المناسب للأفلام المعروضة فلا بأس , فعروض الفيديو من أفضل الطرق التي توصل المعاني والمشاعر

هل عدم دخول السينما هو لسبب عدم وجود أفلام جيدة فقط؟

هذا هو الأساس .. والذي جر بعد ذلك التحرش وغيره , فلو وجدت الأفلام السليمة الهادفة البناءة ولكن بشرط حسن الأداء والإخراج والسيناريو أي أن يكون الفيلم قويا متماسكا , أظن أني أول المتفرجين

إذا كنت موافقا على دخول السينما فما هي الضوابط التي تراها لذلك؟

رقابة سابقة على الأفلام من حيث القصة والسيناريو والهدف الحقيقي والأهداف الخفية والممثلين وأن تكون الرقابة من هيئة مكونة من رجال علم ودين .. لا مستثمرين

وأيضا .. تكون في النور :)

هل هناك مايمنع شرعا من دخول السينما؟

أظن أن هذا السؤال يجيب عنه أهل العلم .. ولكن السينما كأي وسيلة عرض , لها حدان , خير وشر , فأيهما أظهرته كانت بحكمه

هل عدم دخول السينما هو لأن الوقت الراهن لايحتمل مثل هذا الترف الزائد؟

أظن أن قضية فلسطين وغزة لم تصل إلينا إلا عن طريق السينما المصغرة , كذلك بعض القضايا لا يمكن عرضها للجمهور إلا إذا صيغت في فيلم

هل السينما تعتبرمن الأماكن التي لايذكر فيها اسم الله؟

كما قلت سابقا .. على حسب المعروض , فأكيد فيلم كله رقص وطرب لا يساعد على ذكر الله بل ينسي ذكر الله , ولكن فيلم كله ذكر .. أكيد لا يله عن ذكر الله , وفيلم أراد أن يوصل إلى المتفرج طريقة علمية معينة هل نقول أنه يلهي عن ذكر الله ؟؟ أظن لا فهو مثله كمثل الكتاب أو المجلة

هل من سمات المجاهدين والداعين إلى الله عدم دخول هذه الأماكن والتورع عنها؟

في الماضي دخل الدعاة السينما لإخراج الناس منها , ربما لأن أداة إنتاج فيلم يخدم القضية لم تكن موجودة , ولكن اليوم أظن أن هناك شركات إنتاج كثيرة جدا وأصحابها مسلمون ملتزمون وقد بدأ بالفعل البعض في إخراج أفلام الكارتون التي كانت حكرا على ديزني ومثيلاتها في الماضي , لذلك أظن أن اليوم يجب على الدعاة أن يشجعوا استغلال هذه الأماكن بما يرضي الله سبحانه وتعالى ويخدم القضية الإسلامية

جزاك الله خيرا لطرح هذه القضية
وأعتذر عن الإطالة

ها
وأيه تاني
فينك يا أحمد
مستنين ردك
ومستنيين مزيدا من التدوينات

أنا عاجبني كل التعليقات وبشكر أصحابها جدا

وملاحظتي على التعليقات إن الوحيد اللي سأل فيها شرعا قالوله حلال بشروط
ونفسي نتعلم منه إننا نسأل في كل حاجه قبل ما نتكلم وممكن يكون الموضوع رغبات شخصية أو نفسية

بس ليا إضافة صغيرة من وجهة نظري

أولاً الفيلم إللي في التليفزيون النهارده كان في السينما إمبارح ومش لاقي مبرر لواحد بيتفرج على الفيلم في التليفزيون أو على الكمبيوتر بس مقاطع السينما

ثانيا أنا شايف إن المناظر إللي في أي فيلم أخف من المناظر إللي في الشارع


أنا عموماً مش بشجع السينما بس مستغرب شوية من الهجوم عليها و خصوصاً السؤال إللي محدش جاوب عليه بتاع لو مت في السينما

أنا شايف إن مفيش مشكله الواحد يموت في أي حتة مادام واخد نيه كويسه في المكان ده

يعني ممكن واحد يموت في الشغل يعني أكل عيش وعمل صالح
بس هوه أصلا مرتشي
هل ده حلو مثلا

طبعا في أمثلة كتير على قصة النوايا


المهم ربنا يرزقنا حسن الخاتمة

جزاكم الله خيرا جميعا

على مشاركاتكم في هذا الموضوع

وظهر لنا خلال المناقشات العديد من وجهات النظر والتي بالفعل أثرت الحوار وأفادت الجميع

وفي النهاية وصلنا الى ان السينما تعتبر كغيرها من الاماكن والتي ليست محرمة في حد ذاتها ولكن تحرم أحيانا لمحتواها باجماع الكل

وعلى كل مسلم واع عاقل أن يقيس بمقياس الشرع وأن يحدد مااذا كان دخول السينما لفيلم ما حلال أو حرام

وجزاكم الله خيرا كرة ثانية