==========
 
مجروح وماشى .. يغنى فى الهوى كلمات
ساعه يقول آه ... وساعه يغنى على ليلاه
 
بده يهرب من جروحه .... عايز ينسى الآه
عاشر كلامه وحروفه .......... ونظم الموال
 
قال يا ليلى ياعينى . نادى ع القمر فى سماه
القمر اصبح حبيبه ... والنجوم شهود الغرام
 
دخل بحور الهوى ..... الكلمه كانت له شراع
صنع مركب من الحروف . والقلم كان مجداف
..............
 
عاش ويا الخيال ..... رسم فى السما الوان
نادى على الحب شاف حبيبه وسط السحاب
 
عاش يومين ويا الهوى . كتب بالقلم ما يراه
شاف خياله حقيقه ....... نسى الآه وقال الله
 
نسى جروح الزمن . نسى الماضى بكل أساه
ووسط رحلة خياله ... كانت العيون راصداه
 
وهو لا يدرى بما يدور من بشر خلف الابواب
لانه عايش فى ومع خياله ..... بعيد فى سماه
.............
 
عبيط وسايبها على الله ... وفى قلبه خِشية الله
كان جاهل مش دارى . مين احباب ومين اعداء
 
نِسى هو مين وحب الكل ....... ونسى كلمة آه
اتاريه فى وسط غابه ..... عايزه تتصيد اخطاء
............
 
مين فينا ملهوش خطايا . مين فينا ملاك
كن صادق مع ذاتك ....... ودع الملك لله
 
انا اقرع وانت بشعر ..... يبقى اشكر الله
وبدل ما تقول لى . يا اقرع زيد شكرك لله
 
عم يا كامل الاوصاف .. ما كامل الا الله
عم يللى بتقول الآنا ...... ما دايم الا الله
.............
الكلمه زى المياه . .... منها كانت كل الحياه
طلعها حلوه يا صاحبى . بلاش تسىء للناس
 
الكلمه الطيبه عزوه .. بتقرب ليك كل الناس
الكلمه الرديه حفره . يقع فيها كتير من الناس
 
==========
قلم الصابر