علمتك الحب علمتنى انت الفراق
===========
 
علمت قلبك ....... ازاى يعشق ويحب
وسقيتك ............ الحب من نبع قلبى
 
علمتك ازاى يكون ... الحب بلا كذب
وسقيتك الحنان والوفا ....... من حبى
 
جعلتك صديق .... واشتكى ليك القلب
باح لك بالجروح ..... وقال المستخبى
 
افتكرتك حبيب .. اتعلمت معنى الحب
اتاريك بتلعب ........ على اوتار قلبى
 
انا فعلاً غلطت .. غلطه تساوى العمر
يوم ما أفتكرتك انت ....... حبيب قلبى
..............
 
انا فعلاً ندمت ندم .... اكبر من الذنب
ياريت ما كان عرفك .... فى يوم قلبى
 
يوم ما شفتك ... غَنى قلبى بلحن الهوى
يوم ما كَلمتك  فرحت عيونى وهام قلبى
 
قلت انى قدرت اعلمك .. معنى الحب
قلت انى لقيت اللى بيدور عليه قلبى
 
وشكرت الزمان . اللى منه ياما تعبت
قلت والله الزمان . جاب الآمان عندى
 
اصبحت انت الامل  اللى عليه دورت
وقلت انت الحب  اللى بيه يزول همى
 
اتاريك اتعلمت الحب . ولكن ما فهمت
ان الحب اخلاص وعمره ما كان تعدى
 
نسيت اللى حبك وفى الحب ما صدقت
نسيت اللى علمك . ازاى تحب وتغنى
 
وفى وسط الطريق .. رحلت وهجرت
من غير حتى سلام . رحلت عن قلبى
 
ياريتنى من البدايه ....... كنت فهمت
ان اللى زيك غدار ... ولا يصلح لقلبى
 
====
كلمات قلم الصابر