تعب القلوب
=====
 
يا تعب القلوب انت مين ؟ وليه ما ظهرتش من سنين
يارب تكون طريق خير ...... يارب تكون طريق جديد
 
يا تعب القلوب يا أخر طريق تقدر تقوللى نهايتك ايه
طول عمرى عايش لوحدى .. شكوتى لقلمى الحزين
 
كنت بكتب كما اُريد ...... ان كان فى الدنيا ولا الدين
لا فيه حد شايفنى ...... ولا فيه علىّ عيون أو رقيب
 
والورق مقدور عليه ... ومصيره المزبله أو الحريق
خايف من هواك يا نت .... يهل وجايب معاه زعابير
 
وبالقلم أصبح مُدان ........ وممكن كمان اطلع عميل
وكالعاده ممكن اتظلم ...... وشوشو يجيب الف دليل
$$$$
 
$$
$
 
سألت عقلى . قلت له انت فين؟ ويا ترى رايح فين ؟
رفض الجواب على سؤالى ..... زود فى قلبى الانين
 
ياترى يا تعب القلوب ...... اخر رحلتى هتكون ايه ؟
يارب ايه حكمتك .... ؟  يارب اكشف اسرار الطريق
 
اتعشم فيك يارب بالخير ........ انت تعلم انى ضعيف
اتعشم فيك يارب بالامل ........ اللهم اجعل فيه الخير
 
واشوف السعد بالقلم ....... اللى عاش العمر حبيس
وكلامى يكون فيه اسمك ياربى........ ويشوف النور
 
ولا يؤل يوما للخطأ ...... أنت تعلم يا ربى ماذا اُريد
سنين طويله مضت .... فيها الحزن كان هو الطريق
 
حياتى صمت مع وحدتى ........ وبالقلم بقول ترانيم
حياتى همس مع ذاتى ......... وقلمى با لحزن يسيل
 
حياتى غربه حتى مع أهلى ....... ونهارى دائماً ليل
احترت انا فى امرى ......... انا مين ؟ ورايح فين ؟
 
$$$$
$$
 
$
 
يا تعب القلوب انا المجهول ... ومش عارف انا مين
ولا عارف انا تبع مين .... كل قوم قالوا علىّ غريب
 
يا قلمى يا سبب كل الآم ..... أيه مخبيه لىّ السنين ؟
اللى ظهر منها كفايه ....... الحمل ياربى اصبح تقيل
 
يا قلمى يا مجنون ..... كفايه انت السبب لكل الهموم
بفكر فى يوم اكسرك .... وأطفش تانى الى المجهول
 
ربى لا تتركنى فى متاهاتى ... وكن بى يا ربى رحيم
انصرنى يا ناصر .... انت وحدك ربى وعلام الغيوب
 
يارب كثيرون قائمون علىّ .... فكن لى يا ربى حفيظ
يارب لا تتركنى الى ذاتى .... الاماره دوماً بكل سوء
 
يارب لا تتركنى لظنونى .... وعرفنى ما هذا الطريق
ان كان خيراً أعيننى ... وان كان شراً إبعده يا حبيب
======
 
تحياتى لكم
قلم الصابر