====
 
حبيبى يا مخاصنى
دنا روحى بتهواك
 
يا غايب عنى
وواخد قلبى معاك
 
هوعشان قلبى ماحبك
هيحيرنى هواك
 
ولا عشان غلاوتك عندى
تزيد فى جفاك
...........
 
قوللى ليه بتخاصمنى
تعالىَ يا روحى عاتبى
 
قوللى مين قساك عليه
وخلاك تغيب عن عنيه
وتعمل زعلان
 
وتقيد النار
فى قلب زمان
كان فيه امان
...........
 
من يوم بعدك وانا
عايش عذاب وضنا
 
وقلبى بيسألنى انا
فين حبيبى
 
تقدر تقولى أقوله ايه
اقوله زعلان منى ليه
 
 
لو كنت غاوى أسيه
كفايه انا شفت كتير
 
لو انت تقلان عليه
كفايه ياواد يااااا تقيل
...........
 
ارجعلى قوام يا حبيبى
عنيك وحشونى قوى يا حبيبى
 
فيهم
انا بشوف صورتى
 
معاهم
بغنى الحان حبى
.........
 
بلاش خصام وارحمنى
تعالىَ بقا وصالحنى
 
تيجى انت ولا اجيلك انا
بس قوللى انت فين حبيبى انا
 
حبيبى حرام يضيع عمرنا
مابين وهم وعذاب وضنا
 
حبيبى انت غالى على قلبى انا
بلاش خصام ...... وأرحمنى انا
 
========
كلمات قلم الصابر