يا طبيب القلوب
====
 
يا طبيب القلوب تعالا شوف دوا لقلبى
علتى ساكنه فى الحشا والنوم خاصمنى
العين شارده فى النظر ولا فيه حد فاهمنى
بدارى عن الناس بلوتى وعامل نفسى متهنى
 
يا طبيب القلوب انا قلبى غير باقى القلوب
قلبى عاصى من الذوب املى انى يوم اتوب
قلبى عمره ما شاف يوم فرح دايماً يعود مغلوب
قلبى عمره ما كمل طريق دايماً تايه جوه الدروب
َ
تعالا يا طبيب وهات معاك كام طبيب
تعالا يا طبيب وهات معاك الدوا والطيب
د انا حالى صعب على العدو قبل الحبيب
وبلاش تقول على علتى انها قسمه ونصيب
 
 
تعالا يا طبيب وانا اقولك سبب مرضى
تعالا احكيلك على اللى جوه القلب متخبى
بقالى سنين يا طبيب بلا أنيس عايش لوحدى
ويوم ما جانى الحبيب زادت جروحى زاد مرضى
 
 
تعالا وهات معاك دوى يشفى الجروح
تعالا وهات معاك دوا يقدر يمسح الدموع
الحظ دايماً عدوى الحزن فى القلب مزروع
تعالا ريحنى خايف يوم اموت عاصى بالذنوب
 
تعالا وهات معاك دوا يرجع المحبوب
قلبى جرحه الهوى قلبى مشتاق يوم يتوب
تعالا يا طبيب صارحنى قوللى على كل العيوب
تعالى ريحنى القلب خايف يوم يموت قبل ما يتوب
 
يارب يا موجود انت عارف علتى ودوايا
ان فشل الطبيب اشفينى انت يا سامع ندايا
 
بدى اغتسل من ذنوبى بدى أعيش كأنى آيه
بدى اكفر عن ذنوبى بدى تكون ياربى دوايا
 
======
تحياتى لكم
كلمات / الصابر