دنيا غريبه
====
 
دنيا غريبه ..... أحوالها عجيبه
فيها النمله ........... بتقتل فيل
 
دنيا عبيطه ...... ماشيه بزيطه
خالى البال ......... فيها مهموم
 
دنيا رديه ........... زى الغزيه
نغلط فيها ........... ولا بنتوب
 
دنيا خبيثه ........ عامله انيسه
نصاحبها ........ تخدع وتخون
 
دنيا غروره .......... كلها زينه
الحر فيها ........ عايش مذلول
==========
 
قالوا عليها ...... لياليها طويله
ومهما طالت ....... مش بتدوم
 
قالوا عليها ........ قدر مكتوب
فيها الغالب ...... فيها المغلوب
 
ياخوفى عليك  يا مصاحب الدنيا
لو هتعيشها .... ولا تخشى الله
 
تعيش فيها ..... فرحان وتغنى
وتنسى بقلبك ......... ذكر الله
============
 
عم أيوب .......... مالك ساكت
سمع صوتك ............ للسماء
 
يا مبتلى ............ أحمد ربك
أشكر واضحك ..... على بلواك
 
دموع المبتلى .... حلوه ورطبه
مع ذكر الله ........... تحلو الآه
==========
 
دورى يادنيا ...... لفى براحتك
طظ فيكى ....... أخيه على الآه
 
هاتى وجودى .... بكل ما فيكى
شايف النعمه ...... فى قول الآه
 
ربى حبيبى ......... أرفع مقتك
انا برضه بشر ....... انا انسان
 
ربى معينى ...... أرفع غضبك
خايف يوم .......... تقتلنى الآه
 
=====
تحياتى لكم جميعاً
الصابر