اكذب وأقول عايش سعيد
====
 
 
اسمك غريب .......... ملهوش مثيل
حبك جميل ............... انت الامير
 
اسمك عجيب ......... شجر وزهور
حبك طريق .............. سرابه نور
 
انت الحبيب .......... يا حب الجنون
شمس الليالى ....... ورياح الجنوب
 
حبك فى قلبى ......... ده شىء أكيد
هقدر اشوفك ...... ده شىء مستحيل
 
حبيبى انت .............. مهما تكون
ان كنت جافى ............ ولا حنون
 
حبى ليك .............. انا شايفه نور
حب السمك ............. لمياه الغدير
 
حبى ليك .......... من سحر هاروت
حب الهوى ............. حب الغرور
 
اسير فى حبك .......... الآف السنين
انا اللى حبك ........... وعايش اسير
 
 
حبك لىّ ............ ده شىء مستحيل
بتضحك علىّ .......... ده شىء اكيد
 
حب التراب ............. سهل المنال
حب القمر ................ طالع لفوق
 
حب الارض ........... بندوس عليه
حب السحاب ............ بساط الريح
 
 
انت القمر ............... وكل النجوم
انت الامل ............. وكل الظنون
 
خايف اجى لك .......... ملقكش نور
القاك حجر .......... وهواك مسموم
 
وفى هواك ........... مقدرش اعيش
وعلى ارضك ......... اموت غريب
 
 
خليك فى العالى ............... يا قمر
وخلينى انا ......... فى الارض وحيد
 
 
اناجى الحب ............... فى أسمك
واكذب واقول ......... عايش سعيد
 
 
=====
كلمات / الصابر