العشق مابين الجسد والروح

===========

عشق الجسد فانى .............. .....تلقاه كله تراب

عشق الروح عالى ................ مفهوش اى ملام

حبيب الجسد كداب .............. ودائماً يكون خاين

حبيب الروح ملاك ............. عمره ما كان خاين

عيون حبيب الجسد بتعرى . تشوف اللى مش ظاهر

عيون حبيب الروح ما تعرى .... الحب فيها حكاوى 

====

ياحلاوة عشق الروح للروح ... لما تكون بأخلاص

تلقى الحبايب سوى .... بيغنوا ويا الهوى بأحساس

يتطهروا بالحب ................. ويغتسلوا بالنسمات

فراشهم هوه الامل ................. تجمعهم الكلمات

حبهم يكون مدرسه ................... وتعلم العشاق

ذريتهم تكون غنوه .................. تكبر مع الالحان 

=====

عاشق الجسد ثعبان ......... مغشوش ورى الالوان

عايز يشوف عشيقه ......... من الراس الى الاقدام

ويوم ما ياخد مراده ......................... يقول له

اففففففففف .......................... ريحتك مش تمام 

====

عاشق الروح ........................ قصره فيه ابيات

مكتوبه ببلسم الهوى ...................... كأنها آيات

اللى فى قلبه تلقاه ................. مكتوب فى الابيات

صريح وما يخبى .............. ولا يخدع فى الكلمات

يبنى بيوت الهوى ............... ويرفع عليها رايات

وتفضل بيوت الهوى .............. تحكى احلى كلام 

=====

يا بخت اللى اتحد معاهم  ..... حب الجسد ويا الروح

يعيشوا سوى حبايب وفى الاخره .. حبهم فى الروح

يبقوا اثنين والاخلاص ثالثهم ....... وربك رب قلوب

يزرعوا الموده بينهم ..... وحياتهم آمان وبلا خوف

لا شيطان يدخل وسطهم ... والخصام ملهوش وجود

احساسهم يكون واحد ... وحب الجسد فرحه وشوق

والحب يا صاحبى كلمه ........... اصلها من حرفين

واصل الهوى غنوه ............. مكتوبه على الجبين

كداب يللى تقول الهوى ............. له ميعاد أو يوم

يللى بتسأل ع الهوى ........... هوه نصيب مكتوب

=======

مع تحياتى للجميع

كلمات قلم / الصابر