<!--<!--<!--

سألونى عن الدموع

========

سألونى عن الدموع رديت

انا اللى من الدموع ياما مليت

شكيت وبكيت وبدموعى رويت

جرح الزمان اللى خلانى اقول ياريت

ياريت ماحسيت ان العيون فيها دموع

ياريت ما كنت فى يوم بكيت

ياريت ماقلت فى يوم ياريت

ويوم ماتقول ياريت لازم تكون بكيت

وياريت هى الندم ياريت هى الاهات

والدموع تجرى ع الخدود زى السحاب

ماشيه تحفر فى الخدود حروف العذاب

دموع بتشكى الامل اللى طلع كداب

يللى انت عايز تعرف معنى الدموع

راح تلاقيها فى عيون كل  المظلوم

راح تفهمها فى دموع اليتيم

راح تشوفها فى اهة جريح

راح تلاقيها فى عيون صبيه

ضحك عليه ديب

راح تلاقيها جوه عيون بريئه

بعد خراب البيت

......

على قد مرار الدموع فيه دموع حلوه

العين بتدمع وجواها اجمل بسمه

هي دموع اللقا للأحبه من بعد خصام

هي دموع الفرح يوم ماتموت الاحزان

هي دموع الانتصار من بعد الهزيمه والعار

هي دموع الشفا لمريض طال بيه الانتظار

هي دموع التوبه للى كان خاطى وتاب

هي دموع الاسير يوم مايرجع للاحباب

الدموع تحكى قصص كتير ياناس

واللى عمره مابكى عايش بلا احساس

واللى مايبكى على شعور الناس

مش هتبكى عليه فى يوم الناس

======

قلم / الصابر