جارى التحميل
استخدم زر ESC أو رجوع للعودة
<!--<!--<!--
حكم علينا الزمن
=========
حكم علينا الزمن اننا نيجى فى الاخر
نحكى فى تاريخنا القديم وبيه نتفاخر
ماضينا كان عزه وكرامه العلم فيه زاخر
حاضرنا اصبح هباب والخوف من الاخر
..................
تاريخنا القديم معروف للدنيا كأنه علم
تاريخ فعلاً مشرف بأعتراف كل الامم
تاريخنا كان أمجاد ووصلنا فيه للقمم
تاريخ كان عملاق للأسف انجب قزم
...............
عملنا زى القرعه اللى بتتفاخر بشعر جدتها
وبتشترى الامشاط للذكره وهى ناسيه بلوتها
ويوم ماتشوف واحده شعرها خفيف تعايرها
ياريت تشيل الطرحه بأيدها وتشوف قرعتها
؟؟ ؟؟
...................
لأمتى نقول جدنا والاعادى مغتصبه أرضنا ؟
امتى نقدر يوم نقول اننا قدرنا نرجع مجدنا ؟
لحد أمتى بوهم الماضى نضحك على نفسنا ؟
لحد أمتى نكذب ونقول كلام اكبرمن حجمنا ؟
؟؟؟؟؟؟؟؟؟؟؟؟؟؟؟؟؟؟؟
مع تحاتى واحترامى
الصابر
المصدر: قلم الصابر
ساحة النقاش