<!--<!--<!--

بتعب قوى

========

لما ......... أكون فى اّلام ومش شايف جنبى انسان

لما ......... اشوف الحبايب وهمه فى لحظة خصام

لما ............. شجر الزيتون يقطعوه ويلغوا السلام

لما ....... الزرع يحرقوه  وهو أخضر قبل الحصاد

لما .......... فى الدين نختلف والرب واحد يا أنسان

لما ................. المال بيه نميل وننسى وصايا الله

لما .......... الاقى  طفل يتيم مش لاقى حتى الحنان

لما ............ الاقى فقير واخوه بيسهر فى البارات

لما ............. نعظم بالكلام على اجساد الراقصات

لما .................. نهين بالكلام  الحشمه والحجاب

لما .......... الولد لجل مراته يطرد امه من الدار

لما ........ الولد يضرب ابوه من ادمانه فى البرشام

لما .. صاحب الدار ينطرد  والمغتصب يسكن الدار

لما .... الحارس يبقى الحرامى والبرىء يبقى مدان

لما ........... الغنى يبيع ويشترى فى الراجل الغلبان

لما ... اشوف راجل كبير فى وسط الاصاغر مهان

لما ........ نبقى فى وسط الفشل ونخاف من الظلام

لما .......... نبقى مهزومين ونغنى اغانى الانتصار

لما ............. نهان وننضرب ونسكت بأسم السلام

لما ............ بأيدنا نحرق مصر ونقول تظاهر سلام

لما .............. نهين بلدنا وندعى إننا بنهين النظام

لما .......... نهين رئيسنا وهو بطل الحرب والسلام

لما ........... نتحالف ضد بلدنا مع رؤوس الشيطان

=========

كلمات / الصابر