<!--<!-- <!--

من اجل مصر

======

اخويا يابن بلدى ليه نكون اعداء

ليه نحارب بعض قوللى ايه الاسباب

اقنعنى بالعقل ليه عايز تهد الدار

ايه راح نستفيد من الحرب من الدمار

...............

تعالا ياخويا حط ايدك فى ايدى

تعالا يابن بلدى تعالا خليك قريب منى

تعالا نتحد بلاش نهدم تعالا نبنى

تعالا لو كان فيه خلاف قوللى عاتبنى

...............

اخويا يابن بلدى والله حرام عليك

يابن بلدى قوللى ليه الحقد دايس عليك

بالكلمه الطيبه انا راح اسلم عليك

دارى هو دارك تعالا بدى ارحب بيك

...............

مصرنا مش ملك اى حد والكلام ده بجد

مصرنا هي مصر عايشين فيها بالود والحب

مصرنا بيها نفتخر أنا وأنت لأنها مصر

مصرنا بنزرع فيها ألأمل ليه أنت بتزرع شر

.............

نفسى فى يوم نتحد وجوانا تبقى كلمة يارب

ليه ياصاحبى نختلف تقدر تقوللى ايه السبب

نفسى تعرف انى اخوك وأنى شقيقك بجد

تعالا ياصاحبى . نمسح من قلوبنا كل حقد

==========

مع وافر احترامى

الصابر