جارى التحميل
استخدم زر ESC أو رجوع للعودة
<!--<!-- <!--
ياشرق اوسط
===
ياشرق اوسط .. ليه وسطك كده بيتهز
انت بترقص ياولد .... ولا حيلك اتهد
.
ماشى تترنخ مثل ...... اللى واخد بنج
انت مسطول ياولد ..... ولا شارب سم
؟
......
يا خساره عليك ياشرق
كان ليك زمان نخوه
اصبحت عايش توهان
ولا انت دارى بالكلمه
..
.
شاطر تعمل مؤتمرات.. واجتماعات قمه
يللى كنت فى العالى ليه سقطت من القمه
؟
ياشرق اوسط .. قوللى انت ذكر ولا أنثى
احتار دليلى فيك .... وأحترت فى المعنى
.
لو كنت ذكر.......... تبقى صحيح خنسه
ان كنت انثى ........ تبقى سيئة السمعه
....
ياشرق اوسط ياكبير ... انت فين ياغالى
ابوك راجل عظيم ..... ورباك على الغالى
.
ليه دار عليك الزمن . ليه الراس بتطاطى
ليه اصبحت ذليل ... بعد ماكنت فى العالى
؟
......
ياشرق اوسط يا أرض الله أرجع لامجادك
اصحى وفوق بسرعه .. اجمع كل اولادك
.
علمهم دروس الحياه .. .. وكلام اجدادك
وحدوا الكلمه ياعرب.... جاى دمار هالك
؟؟؟؟
؟؟
؟
======
تحياتى لكم جميعاّ
كلمات / الصابر
المصدر: قلم الصابر
ساحة النقاش