فجأه ودون سابق انذار

==========

استيقظ الاسد من نومه على صوت هتافات من جميع الحيوانات

نادى الاسد على الثعلب

وقال له :

ايه الحكايه ياتعلب يامكار

رد الثعلب:

الكلب والفار يا مولاى بيقولوا طول عمرنا عايشن تحت حكم الاسود واولاد الاسود

قال له الاسد :

يعنى عايزين ايه يا ثعلب

رد الثعلب :

عايزين الديمقراطيه يامولاى - الحكم يبقى بالانتخابات

قال الاسد مستغرباَ : الكلب والفار عايزين يبقوا ملوك

رد الثعلب :

ايوه يامولاى

قال الاسد :

لو كان النمر نقول ممكن ؛ لو الضبع نقول جايز ؛ لو الفيل نقول يحتمل

لكن الكلب والفار- هاتوهم اشوفهم عايزين ايه

حضر كل من الكلب والفار وخلفهم جميع حيوانات الغابه ووقفوا امام الاسد .....

نظر اليهما مستغرباّ وقال :

عايزين ايه ان شاء الله

قال الفار :

الديمقراطيه يامولاى مفيش فرق بين كل حيوانات الغابه كلنا حيوانات ولاد حيوانات عايزين انتخابات نزيهه انا من حقى ابقى الملك

ضحك الاسد وقال له :

من غير انتخابات ياسى فار كل واحد منكم هيبقى ملك لمدة  شهر وهنشوف الديمقراطيه بتاعتكم هتعمل ايه

وعلى الفور قال الفار :

لا لا مش بالكلام ياملك

لازم تكتب اقرار ويشهد عليه كل الحيوانات انى انا الملك

والحكومه تخضع لاوامرى والكل يعترف ان الفار

هو الغدنفر الجديد

وافق الاسد على كل شروط الفار وتسلم الفار مقاليد الحكم وهتفت له كل الحيوانات

واثناء الهتافات مشى الفار وخلفه حكومته من كبار الحيوانات حتى وصل الى عرين الاسد ونادى بصوت عالى بحسب حجمه الضئيل وقال :

انا الملك انا الجبار ؛ اطلع ياد يا اسد بره العرين

انا صاحب القصرانا الملك الجديد

نظر الاسد له وقال فى استغراب :

بتعمل ايه يا فار

قاطعه الفار:

اخرص يااسد يا ابن ال .........

ونادى الفار على الفيله وقال :

هاتوا الحجاره قوام وسدوا على الواد الاسد ده

طول فترة حكمى يبقى محبوس

اطاعت الفيله امر الملك الجديد وتم حبس الاسد

عاش الفار الذى كان سابقا يخشى من القط

عاش فى حماية جنوده من النمور والضباع

وخلال شهر الفار ؛

تدهورت كل امور الغابه اصبح الذعر فى كل مكان

وخلال شهر الفار

ندم الكلب على مشاركته فيما حدث

وقال فى نفسه :

حقيقى الاسد اسد والفار فار والكلب كلب

وبكى على ما وصلت اليه امور الغابه من عار ودمار وخراب

وحين انتهى شهر الفار وحل شهر الكلب

أمر الكلب بالاجتماع مع كل حيوانات الغابه كما فعل الفار

وامام جميع الحيوانات ذهب الكلب الى الاسد وبكى وقال له :

سامحنى يا سيدى الاسد

انت الملك ولا يصلح ملك الا انت

ونادى الكلب باعلى صوته ::

احضروا القطط السمان

حضرت القطط فقال لهم ::

تقاسموا هذا الفار فيما بينكم

كل قط يأخذ منه جزء من الجرام

صرخ الفار وفى الحال التهمته القطط السمان

ونادى الكلب على الفيله لتخرج الاسد من حبسه ليعود ملكا كما كان

حضرت الفيله ورفعت الاحجار عن الاسد

وذهب اليه الكلب يبدى ندمه وأسفه ويلحس جسده

ولكن الاسد نهره   وهز راسه وزأر فارتجفت الحيوانات

ومضى بعيدا عن عرينه

جرى الكلب خلفه ومعه الثعلب وهما يقولان :

انت رايح فين ؟

ارجع يامولاى الى عرينك والى قصرك

رد الاسد عليهم قائلا ::

كيف اعود وكيف اعيش فى مكان

الفار فيه سجننى والكلب بكى على حالى

روح يا تعلب يا مكار انت والكلب اللى معاك

قولوا لاهل الغابه

هيجيكم سبع  تانى وهو اللى هياخد بتارى

ومازالت الغابه بلا اسد

فى انتظار السبع القادم

===========================

مع تحيات وعظيم احترامى

قلم / الصابر