مصر حبيبتى

=======

مصر حبيبتى ..... عامله ايه ؟

قوليلى : زعلانه بس من ايه ؟

د انتى محروصه من العلى

قوليلى بقا : ليه تخافى ؟  ليه ؟

...........

قالت مصر : انا خايفه عليكم

اصبحتوا عايشين زى الاعادى

قالت : عيونى بتبكى عليكم

نسيتوا انكم  كلكم اولادى

.......

حتى نيلى بيشكى ويبكى منكم

نيلى اصبح مكب قذاره ونفايات

من ميته اتولدتوا كلكم

هو رحمى اللى منه كل ميلاد

انا النيل عنوانى وهو فخركم

عنوانى لوثتوه يبقى ليه الافتخار

.........

قلت : يامصر احنا لسه بخير

انتى امنا وغاليه على الجميع

قالتلى : انتوا كدابين

قالتلى :  انتوا نصابين

فين نيلى العظيم

انا مصر هبة النيل

بتسرقوا من قلبى الخير

وتبيعوه للاجنبى ابن اللئيم

وعلشان مالخير كتير

لسه يرضه جوايا خير

.......

قلتلها : يا أمى اعذرينا

نادى ربك وصلى لينا

قلتلها : يا أمى أوعى تكرهينا

يا أمى أحنا أولادك مهما قسينا

قالتلى : همه فين أولادى دول

أولادى اصبحوا فريقين

قالت : انتوا نسيتوا انى انا مصر

انا اول من وحد الله بحسن القول

أولادى ليه اصبحوا فريقين

أولادى ليه اصبحوا ضدين

قولولى : انتوا بتعبدوا مين

ايه نصارى وايه مسلمين

انتوا واحد مش اتنين

من رحم واحد نازلين

.......

قلتلها : يا أمى سامحينا وأدعى لينا

ترجع الايام الجميله وتشوفها عنينا

........

قالت : ده عندى يوم المنى والحمد

نفسى اشوف جرجس اخو احمد

.......

نفسى اسمع الاذان جوه القلوب

نفسى الاجراس تدق مع القلوب

..........

قلتلها وجوه عيونى دمعه حزينه

قلتلها والعقل سارح كأنه سيما

مصر يا أمى متخافيش علينا

مهما دخل العدو وسطينا

أطمنى يا أمى د انتى غاليه علينا

وعمر الاعادى ماهيقدروا علينا

.........

انتى امنا مصر واحنا أولادك

هتعيشى عمرك رافعه راسك

........

مهما حاول شياطين الانس راح يفشلوا

مستحيل الفتنه على أرضك راح تتولد

مهما وسوسوا او دسوا راح يفشلوا

مهما الشيطان اعطاهم من كل مدد

عشتى لينا يا أمنا دايماّ جوه قلبنا

انتى فخرنا والام الحنون لينا كلنا

======

كلمات قلم الصابر