يامساء حنين الورق بالإشتياق.. هايضُم
كلمة فـ شفايف قلم بالحب.. لاجل تعُم
كل العقول المشتاقين.. للفكر والإبداع
إمتاع كلامك يا(علي) بيساوي ضمة أم
عجبــي..!
***
دقت طبول الفرح ورجعنا من تانـي
زرع المحبة طرح وناديت على جيرانـي
ياهل ترى بسمتي وشفايفي هايغنـوا
راح أعود ياعود الأمل ولا حاجه منعاني
عجبي..!
***
الصحبة نعمة من الإله لو... جد
إوعاك تصاحب لو تخون العهـد
الصحبة حمد وشكر فى الملكوت
تقبلني صاحب، أو يارب أمـوت
عجبي.!
***
هاغزل حروفي... فى صحبة الشعرا
وهاقول وأغنى فى أمس... ولبكــره
انا مش صديق عادي... دا انا فارس
شابك سنابك صحبتي فى خيالى للذكرى
عجبي...!
***
كل كلامك بردوا ياصاحـب... فوق الشيـك
بس فى لحظـة ود وحب وشوق... خليـك
إقبل صاحبـك... زى ما قبلك على معانيـك
أصل الصحبة ياصاحب صاحبك زى الفـاس
يوم فى الأرض ويوم فى السما... ربنا يهديـك
عجبي..!
***
الصاحب شمعة فى عز الضلمة تبـان
الصاحب معنى حنين ووفاء وحنـان
الصاحب شمس لبكرة بتهدي أمـان
الصاحب زينه ياصاحبي فـ غصن لبان
عجبي..!
***
لما يكونلك صاحب يعني إنك... محتاج
خيمة وضِله وبحر... فى حضنـك تاج
واما يعدي عليك العصر... احلى مزاج
خدلك صاحب لو بتصاحب يبقى. سياج
عجبي..!
***
وانا جيت أشوف صحبتي ملقتشى غير واحد
غازل حروف فرحتى ... وفـ نِفسه نتواحـد
يامفرغين الكلام... على سطـر أمنيـة!
انا بين صحاب ليا ... وفـ حضنهـم واحـد
عجبي..!
***
طول عمرى صاحبي الأمل عامل حساب بكرة
شاعر.. مانيش لعبتي غدر... وبقا ذكـري
جامع وفيه مدنتي... قدسيتي الأصحــاب
تتوضى فيا الوفا... ودا طبعى على فكـرة
عجبي..!!!
المصدر: الشاعر/ علي قابيل
نشرت فى 1 مارس 2011
بواسطة alikabiel
الشاعر/ علي عبد السلام علي قابيل
ياشاعر... للكلام معنى بيقرانا وبيسمعنا بيضحك لما نتبسم وبيطبب مواجعنا مانيش شاعر.! لكن شاعر هنا فى الكلمة 100 صورة. »
ابحث
تسجيل الدخول
عدد زيارات الموقع
41,477
ساحة النقاش