مستحضرات الأمل شحّت فى سوق الروح والظلم عامل عمل مانع تلمّ جروح والفرح صابه الشلل نسّاه طريق قلبك وماتلقى إلا الألم حواليك منين ما تروح ذنبي..!! قطر الأمل عطلان فى محطة اليائسييـن سواقة كان عطشان وركن هناك ساعتين قام الفشل بالكسل... وقلة الحيلـة فرغ هواه وإنكتم والسواقين قاعـدين ندمي.!! الظلم خلى الأمل عايش بدون لازمة ولما فكر يثور اداله بالجزمة قام عمنا طاطى ولم هلاهيله وقال أهاجر تكون اتفكت الأزمة تعبى..!! طول مانت بتحبها هاتعيش عزيز فيها أصل الحياه فـ حضنها سكر محليها الإنهزام مش طبعها أبدا ياابن الناس إعشق سماها وارضها فى عينيك وخبيها قلبي.!! اصل الحياة إسمها فى الأصل كان "دنيا" . أيامها متسرسبة ثانية تجيب ثانية متغمسة بالتعب والهم تحلية ربك خلقها كدة ماهى فى الأساس فانية غلبى..!! والله يابني الأمل عاشق يموت فينا وإحنا اللى من غُلبنا بنمدله إيدينا يعني نعيش عندنا حلم وأكيد بكره يفرد لنا حلمنا....... ونشوفه بعنينا أملي..!!
ضربة البداية/ مؤمن
النهايـــة/ علي
ساحة النقاش