عربية واقفة فى الميدان 

اتبرعوا 

الشابة يا ولداه بتنزف 

جرحها نافد غويط 

والدم وحده مش كفاية 

عربية واقفة فى الميدان 

اتبرعوا 

محتاجة ايد علشان تطبطب ع الجروح 

وايد كمان 

ترفع بعافيتها العلم 

اتبرعوا

عربية واقفة فى الميدان 

محتاجة رجل تدب 

تطرح ميت ميدان 

محتاجة رجل تشيلها توهبها الصمود 

اتبرعوا 

عربية واقفة فى الميدان 

الشابة راح منها النضر 

مين اللى يديها عينيه 

علشان تشوف 

قلب البنية منكسر 

محتاجة قلب يضخ من تانى الحياة 

اتبرعوا 

عربية واقفة فى الميدان 

الشابة مش محتاجة نديها فلوس 

يامؤمنين اتبرعوا 

بالحب وحلاوة النفوس 

عربية واقفة فى الميدان 

اتبرعوا 

محتاجة كبد كمان مكان اللى اتهرى 

من كتر ما عبى سموم 

من كتر ما شال افترى 

وفارق احبة 

اتلموا على صوت الأدان 

واتداروا تحت ترابها فى لحظة سجود 

لحظة ما دابوا فى التراب

والتراب غطى الوشوش 

دارى حمرة لاشتياق فوق الخدود 

الشابة محتاجة الصمود 

عربية واقفة فى الميدان 

اتبرعوا بتمن الخلود ..

اتبرعوا .. 

اتبرعوا 

                                             علاء عبد السميع 

                                              11/12/2011