جارى التحميل
استخدم زر ESC أو رجوع للعودة
مهداه الى رئيس جمهوريه تويتر و أصحابه :)
بقلم : رحاب رسلان ..
برادعى و حمدين و موسي ؟!!!
إيه جمعكوا ...يا دى الحوسه ؟!!!
واحد عايز إشتراكيه ..
و رئيس أحزابنا الفلوليه ..
و وكيل الطاقه الذريه ..
و الله خطتكوا بقت مفقوسه
إيه جمعكوا ..يا دى الحوسه ؟!
ساقطين إنتخابات رئاسيه
و أحزابكوا مالهاش ارضيه
عمركوا ما كسبتوا لكوا قضيه
دايما خطواتكوا منحوسه
إيه جمعكوا يادى الحوسه ؟!!
قالك خلطات أيدلوجيه
كله إلا الإسلاميه !!
عايزينها فته ملوخيه !!
و الله غباءكوا عايز بوسه
إيه جمعكوا يا دى الحوسه؟!!
قالوا حنحل التأسيسيه
و ما فيش إنتخابات رئاسيه
فاكرين مصر لسه تكيه ؟!!
ما خلاص عدى عصر الكوسه
إيه جمعكوا يا دى الحوسه ؟؟!!
خلونى أقولهالكوا قويه
كلمه من واحده مصريه
روحوا شوفوا لكوا غيرنا قضيه
و إرحموا شعوبنا المفروسه
إيه جمعكوا.. جتكم حوسه ؟؟!!
مرحبا بك اخي الزائرنرجو ان ينال الموقع اعجابك
الكلمة الطيبة جواز مرور إلى كل القلوب
ساحة النقاش