<!--<!--<!--

سميت قصيدتى بإسمك .. بس مش علشان اراضيكي

سميت قصيدتى بإسمك ... بس مش علشان اغازلك .. ولا علشان امدح فيكي

سميت قصيدتى بإسمك .. وسامحينى لو كنت هعتب عليكي

علمونا زمان .. ان العتاب أكبر دليل ع الحب بين الأحباب

ومن زمان .. وانا وانتى احباب

علشان كده جيت اعاتبك .. فياريت ما تقفليش ف وشى الباب

جوايا ليكي اسئلة كتير مش لاقيلها ولا رد

حاسس زي ما يكون حد

بانى بينك وبينى ميت سد

ومهما حاولت اقرب منك عمرى ما لقيت غير الصد

من امتى يا بلدى وانتى قاسية على ولادك .. من امتى كان للكره ف قلبك مكان

من امتى ياللى ابو الهول عمك والنيل يبقى خالك .. من امتى رضيتى لولادك بذل او هوان

بتسقينى المر وانا اللى برويكي بدمى .. وبتطعنينى ف قلبي اللى انتى عايشة جواه ؟!!

ما طول عمرك وانتى شايلة ف قلبك همى .. يا ترى همى زاد عليكي ولا انتى اصلا ناسياه

بس ازاى تنسي همى .. وانتى همى .. اوعي تكونى نسيتى نفسك يا اصعب هم شوفناه

دانتى الوحيدة دونآآ عن بنات الدنيا اللى سميتك حبيبتى

وكتبت فيكي شعر وقصايد ووهبت حياتى فداكى انتى

وغلبت اعملك من البحر طحينة علشان ترضى وبرده غضبتى

طيب .. مين فينا اللى له حق يغضب من التانى انا ولا انتى

دانا عايش جوه حضنك وبرده حاسس بالغربة

وبكافح وبجاهد علشان شهادة او مؤهل و ف الأخر ما بيبقاليش لزمة

ومستحمل اعيش فقير رغم كل ثرواتك .. ومستحمل ان ام الدنيا يتقال عليها دولة نامية

ومستحمل وقوفى ف طوابير مالهاش اول من اخر ..

وبقول جايز ايام الخير تكون جاية

ومستحمل اعيش مش عارف ولا فاهم اى حاجة ف أى حاجة ..

زى الــ........ اللى متعلق ف ساقية

اما بالنسبة للبطالة والمصالح العطلانة والمواصلات اللى مش شغالة ..

ف دى طبعا مسألة منتهية

بس برغم كل اللى قولته .. واللى حتى ما قولتهوش

لسه برده بحبك .. وغلاوتك ف قلبي زى ما هيا

عاتبتك علشان انتى حبيبتى .. وعلشان انتى اغلى من نفسي عليا

وبعد عتابى لكِ .. جاء وقت الدفاع واسترداد الحقوق

أيا كل كل مصريٍٍٍٍٍِ لا تـَـلُمْ أمك على قسوتها بعد أن بادرت أنت بالعقوق

ولتعلم  ان الشمس وإن طال غيابها فلا بد لها من لحظة شروق

ولتعلمى يا مصرُ أنما اجنبتى رجالا لن يصمتوا ..

ولتعلمى أن ذبح الخراف ليس كذبح النوق

للتواصل /

https://www.facebook.com/ahmed.shahat.391