<!--<!--<!--[if gte mso 10]> <style> /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-parent:""; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:10.0pt; font-family:"Times New Roman"; mso-ansi-language:#0400; mso-fareast-language:#0400; mso-bidi-language:#0400;} </style> <![endif]-->
بعد فترة غياب طوِّلت .. رجعنا نتكلم تانى كالعادة
واول حاجة قالتها لما اتكلمت .. انا زعلانة منك اوى يا حمادة
قولتلها ليه بس يا حبي .. بلِّمت .. وقالت احلى ما فيك استهبالك الزيادة
قولتلها لأ بجد فيه ايه ؟! اتجنِنت .. وطبعا بقيت انا فى منتهى السعادة
قالت فيه انك ما بتسألش عنى ... ولا حتى بتعبرنى
زى ما اكون كرسي ولا يمكن حتة سجادة
قولتلها لأ دانتى حبيبتى .. و ف كل أيامى انتى سبب سعادتى
دا حتى ايامى من غيرك مرة زى القهوة السادة
وساعة لما بتكونى جنبي .. بتحلّى طعم الحياة يا قلبي
وبتبقى القهوة سكرها زيادة
قالت لأ بجد كده انا اتثبـِت .. ومن رقة كلامك دوبت
العب غيرها يا شاطر .. قول أى كلام إلا دا
قولتلها طب والله بحبك .. ومنى عينى رضا قلبك
ولما بتزعلى منى بتبقى الدنيا فى عينى اضيق من الزاوية الحادة
سكتت شوية قال يعني بتفكر .. وانا قلقان ومستنيها تقرر
وفجأة لقيتها بتصرخ وبتقول بأعلى صوت وانا والله بحبك اكتر
دانت يا حمادة كل دنيتى وحبك على قلبي مسيطر
ولا اقدر فى يوم انى ازعل منك ولا حتى أفكر
قولتلها روحى ربنا يخليكى ليا .. قالت ويخليك يا اغلى عندي من عنيا
وفجأة لقيتنى بفتح عينى .. وبس يا جماعة صحيت من نومى
ماهو الجعان كده بيحلم ياكل حتى لو اندومى
وانتوا كلكم عارفينى .. سنجل من يومى
لحد ما قربت اطق واشق هدومى
السناجل ييجوا جنبي ويصوتوا ... والمرتبطين يدعوولى
