ولا حد خالي من الهم لا غفير ولا حتى قاضي
ماتقولش للندل ياعم لو حتى يملك أراضي
مهما بسكر تحلي لازم تزيد الرغاوي
وعشاني بكتب تملي بيقولوا للشعر غاوي
ناموا تمانية في صالة وسبعة باتوا حزانه
ما الظلم سرق الاصالة وساب عباته حدانا
دا الظلم رمل نسانا ويتم عيالنا البريئة
ياعدل اوعى تنسانا دا انت عيون الحقيقة
الحلوة جاتلي تغازلني وحاطة أحمر شفايف
ياحب مالك خازلني ليه بس مبقتش شايف
ايجتلي لابسة العبايا ... ماشية وبتتمرقع
لقيت سعيتها الصبايا .... غيرانة هتفرقع
ولا حد خالي من الهم لا غفير ولا حتى قاضي
ماتقولش للندل ياعم لو حتى يملك أراضي
يابحر موجك ساحبني والموج دا غدار وخاين
واللي ف حياتي صاحبني مطلعش للعشرة صاين
مين اللي ثائر بجد رودوا عليا وقولولي
دلوقتي بقى اي حد حتى ياناس الفلولي
الكل بقى يلزق للثورة ونجاحها
بيقولوا اهو بنرزق من نخلها وبلحها
أدي يا ناسي ويا أهلي كل اللي كان واللي صار
فوق ياللي ناسي انتبهلي قبل أما نبقى ف حصار
كلمات احمد الحجاوي
ساحة النقاش