قصيدة بعنوان (والله في قلوبنا ) عن يوم الزحف إلى المسجد الأقصى
كلمات : أحمد الحجاوي
والله في قلوبنا علشان كدا جايين يا أقصى يا حبيبنا جايالك الملايين
جاية تاخد بإيديك وتفك في حصارك حالفة لتوصل ليك ولتاخد بتارك
ماكفاية عشت سنين مسجون وكنت أسير جايين عشان نحميك دا إحنا عليك بنغير
لو كنا مش بنغير طب قولي مين هيغير ؟؟ وكفاية إحنا العرب ساكتين بقالنا كتير
هنجيبله حقه ياسين ومحمد الدرة ونطلع الخاينين من أرضنا برا
ماتخفش يا أقصى دا إحنا عليك خايفين جايين عشان ناخدك ونرجع فلسطين
هنروح على الضفة والضفة غربية من غير ما نتخفى دا القدس عربية
حقك هناخدوا خلاص من غير ماتستنجد اتحدوا كل الناس وقالوا هنستشهد
من مصر جاينلك من سوريا من لبنان والله حالفينلك لازم تعيش في أمان
جايبين معانا كمان رجالة الأردن من كل بيت ومكان جاية لأيديك تحضن
دا شعب مصر الحر هيروح على جنوبك ماكفاية شفت المر واتكسر ف طوبك
وكمان عرب لبنان من ناحية شمالية هيحاربوا كل جبان وبكل حرية
وأخواتنا م الأردن جايين عليك م الشرق هيحرروا أرضك علشان تشوف الفرق
كل العرب رايحين عالقدس يوم الزحف عالظلم متحدين وبقوة من غير ضعف
لكن سامحنا ياقدس الوضع مش سامح دلوقتي كل العرب بيعيشوا في مدابح
وجيوشنا مسئولة تسهر تأمنهم بالشعب مشغولة ما الشعب دا منهم
والفتنة في بلادنا قاعدة تفرقنا بتقتل ولادنا علشان تغرقنا
إزاي هندخل حرب ؟؟ دا كلام ملوش معنى إدعي اله الشعب إنه يجمعنا
وإدعي معانا وقول يارب تنصرنا على كل كلب حقود قاعد يكسرنا
وأكيد في أقرب وقت هنكون على بابك وهنقضي عالخونة ونطهر ترابك
إحنا وجيش العرب هنروح وهنجيبك والله كل العرب حالفة ما هتسيبك
عربي أنا وبقول لكلاب بني صهيون عالأقصى أنا مسئول وعليا مش حيهون
فكوا الحصار عنه وأمشوا بعيد عننا جايين نموت شهدا ونرجعه بدمنا
والله ما هنسكت على حقه مهما يكون هنروح على الاقصى ومعانا رب الكون
كلمات: أحمد الحجاوي
5/5/2011
ساحة النقاش