قصيدة بعنوان (صاحبي) كلمات: احمد الحجاوي
صاحبي بقاله معايا سنين و ف وقت الشدة سابني حزين
يصرخ قلبي ليل ونهار نفسي ييجي يطفي النار
لكن سابني خلاص وحداني وفجأة أتحول قلبه أناني
كان يحكيلي ويشكي ألامه وكنت ببقى كتير خدامه
لكن فجأة سابني وحيد ونار الوحدة في قلبي تقيد
كنت دايما بخاف عليه وكانت أيدي دايما فأيديه
يوم ما بيفرح ببقى معاه ويوم الجرح بكون وياه
هانت ليه العشرة عليه ؟ وف وقت الشدة سابتني أيديه ؟
وصاحب تاني بقاله يوم واحد لكن جرحي وجرحه واحد
يبكي ويصرخ على أحزاني وعمره ما فكر يوم ينساني
دا يوم الفرح بيضحك ليا ويوم الجرح بيبكي عليا
قولولي ياناس الصاحب مين ؟؟ عشرة يوم ولا سنين ؟؟؟
كلمات : أحمد الحجاوي
ساحة النقاش