قصيدة بعنوان (الأقصى) نداء المسجد الأقصى للشعب العربي
كلمات : أحمد الحجاوي
قلنا الأقصى غالي علينا وساكن جوا ف نني عينينا
بس كلام بنقوله كتير لحد ما شوفنا الأقصى أسير
قاعد يصرخ وينادينا وبأعلى صوت بينده لينا
ليل ونهار بيعيش في دمار وكله بظلم الاستعمار
محتاج شعب يدافع عنه ويكون برضاه مش غصبا عنه
وين الغضب العربي ياناس ؟ قاعدين ساكتين على أي أساس ؟
كله بيهتف بالشعارات ويقلك كلك العرب أخوات
لكن كله مجرد صوت سايبين الناس في الأقصى تموت
وكله يقلك طب وأنا مالي ابعد عني وسيبني في حالي
لسه الأقصى بيصرخ تاني وقاعد يبكي يا ناس وحداني
نفسه حد يفكر فيه ومن النار يقدر يحميه
قتلوا الدرة وطخوا ياسين ولسه الناس ولا سألين
وضحى عشانه ألف شهيد علشان شعبه يبقى سعيد
فتح بتضرب نار في حماس وين الحب العربي يا ناس ؟؟
وحماس بردو بتضرب فتح خانوا ف لحظة العيش والملح
وبردو الأقصى بينده لينا ولـسـه يا عـيني مسـتنـينا
يلا يا مؤمن اصحى وفوق قبل ما روحك تطلع فوق
شوف الأقصى عـايز إيه ؟؟ وتعالى أنا وأنت نروح نراضيه
كلمات: أحمد الحجاوي
ساحة النقاش