قصيدة بعنوان (حدوتة) حكاية طفل و 100 عصفور كلمات : أحمد الحجاوي
هحكي أنا ليكوا قصة في حدوتة وانتوا اللي هتقولوا حلوة يا ملتوتة
في يوم من الايام كان طفل لسة صغير بيصحى من نومه يجري ورا العصافير
و ف يوم صحي م النوم ملقاش ولا عصفور بقى ماشي في الحارة قاعد يلف يدور
روح ياناس زعلان نفسه يشوف عصفور لكنه ملقاشي في الحارة ولا عصفور
لقى امه بتعيط والدمع ف عينيها رايح عشان يلعب وعشان يسليها
ولما شاف امه عيط وراح ليها وسألها ايش مالك ومسحلها عينيها
قالتله تعبانه وحاسه اني هموت اجمد وكون راجل واوعك تطلع صوت
ذاكر عشان تنجح وتكون ف يوم كبير واوعى يوم تقلق دا خلقنا رب كبير
ملحقش يسمعها وراح يجيب دكتور ولما فتح الباب شاف ييجي 100 عصفور
ضحكت شفايفه يا ناس من فرحته بيهم لكنه كان شايف خوفه مالي عينيهم
خايف على أمه لاحسن تروح منه شاف الشقى بدري وكبروه في سنه
كمل وراح يجري ولامه جاب دكتور سجل يا تاريخه رجولته دي في سطور
ولما دخل البيت ملقاش يا ناس امه عيط وراح صوت من غلبه من همه
وفجأه شاف عصفور بيقوله متخفشي أمك هتبقى تمام وياريت متقلقشي
قاله عرفت منين ما ترد يا عصفور ؟؟ وأمي راحت وين دا انا جبت أهو الدكتور ؟؟
قام رد قايله متخفشي يا صـغيـور أمك هنا جوا ومعاها 100 عصفور
هما اللي ساعدوها وجابوني انا الدكتور اضحــك بقى يلا يا طفل يا أمــور
دا بأمر من ربي خلاني أشفيها ادخل وشوف امك وبص في عينيها
دخل وشاف أمه وباس لها ايديها من حبه ليها يا ناس وفرحته بيها
ولما شافها بخير ولقاها ايوه تمام مشيت عصافيره وقالتله يلا سلام
ساحة النقاش