قصيدة بعنوان (ربـــــــــي ) للشاعر أحمد الحجاوي
ربي انا عارف مني أكيد زعلان قلبي بيوجعني وضميري أنا تعبان
عمري ما خفت ف يوم ولامرة كنت جبان منك أنا خـا يف ف بلاش تكون غضبان
مليان غلط وذنوب عارف كده و ندمان عبدك انا وبتوب ارحمني يارحمن
عارف انا مذنب وع الذنوب ندمان عبدك انا وضعيف ارحمني يارحمن
اغفرلي وسامحني خليني أعيش فى امان من غير ما تفضحني يارب فيك عشمان
سامحني ياربي أذنبت وعصيتك مع اني من قلبي والله حبيتك
غرقتني في الخير ورزقتني بفضلك نعمك عليا كتير والخلق تشهدلـك
بغلط انا دايما وباجي بلجئلك وانت اللي في الشده قلبي بيحتاجلك
ده انا لما بزعل يوم ببكي وبحكيلك واما بعيش في هموم بصرخ واناديلك
وببقى من الدنيا مخنوق وبشكيلك وتقولي يا عبدي اصبر وهديلك
الله على كلامك ياربي في القران دايما بيرويني لما بكون عطشان
يارب طمنى واغفرلي يا مولاي من غير رضاك عني قولي هعيش ازاي
دا انت اله الكون وانت اللي خالقني موجود مكان مابكون ومش مفارقني
سامحني ياربي عبدك أنا وبتوب عارف هتغفرلي مع إني كلي ذنوب
دا انت اللي قالوا عليك رب العباد والكل بتعلي في الانسان ولا ترضى ليه الذل
وقالولي في حنانك أحن من أمي أمي اللي ولدتني وأمي اللي من دمي
خلقتني من طين وزرعتلي روحي ولما بتعب يوم بتدواي في جروحي
فبلاش تكون زعلان ومني أنا شايل دا انت اللي باقيلي وكل دا زايل
نفسي ياربي اشوف الرحمة في نهارك وديني للجنة وابعدني عن نارك
وساعدني ياربي في حفظ قرأنك لو قلت كون هيكون يارب سبحانك
يارب سبحانك
كلمات الشاعر : أحمد الحجاوي
ساحة النقاش