ببدأ كلامى بسلامى لكل واحد قدامى
من غير مانادى على اسامى و ياريت تصحصح لكلامى
جامعتنا غالية اكيد عارفين وفيها اساتذة كتير حلوين
يمكن يكونوا علينا قاسيين بس علينا أكيد خايفين
تعالوا نشوفهم يطلعوا مين دول عشنا معاهم احلى سنين
دكتور فاروق عبدالقادر ، يأمر وكله يقول حاضر
ده بقاله فتره كان تعبان ، دلوقتى نوره فى كل مكان
بنقوله كمان الف سلامه ، دى بس كانت دوامه
وبنقوله من جوه قلوبنا ، نورت بيتك ياحبيبنا
وحبيبنا دكتورنا اسامه فى الحب ساب لينا علامه
تعمل غلط يبقي ياويلك هيخلى فى نهارك ليلك
طيب مفيش عنده شماته تروحله يديك شيكولاته
وتعالو نشوف كليتنا دى بدايه مشوار فى حياتنا
هبدأ كلامي على عميدنا ويارب وياه تسعدنا
روتينى وقاسى علينا كتير لكن طيب قلبه كبير
يعينى لما بيضحك لينا ويلهوى لما بيقسى علينا
وكمان وكيل الكليه راجل عسل ميه الميه
لو جينا ندخل على مدنى لازم تفوق لى وتسمعني
هتلاقى دكتور بغدادى بالعلم مشغول مش فاضى
ودكتور رياضه اسمه صلاح بشوش وراجل كله سماح
واياك تقرب لاتصالات وحاسب منها دى بالذات
دى بحر واسع عايمين فيه مش لاقى شط انا ارسى عليه
ومفيش يا عينى ولا مينا ولاحتى مركب حولينا
يارب بدعى ترسينا وقبل اما نغرق نجينا
دى اساتذه عشنا معاها سنين فى قلوبنا والله وجوه العين
ومش هنسى بردوا المنتدبين كفاءه لموادهم فاهمين
هبدأ بدكتورنا الباهى دى الضحكة على وشه الهى
و دكتورنا عادل ابو المجد للفيزيا رافع راية المجد
ومش هنسى دكتورنا لاوندى دى مسائلة تفكير وتحدى
ودكتورنا احمد ابو مباركة راجل عسل وكمان بركة
وطبعا فاكر دكتورنا شريف مواده صعبه لكن حريف
دى مسائله مليانه حركات ده عايزنا نصنع نايل سات
ودكتور محمد سامى سعود طيب وراجل قلبه ودود
مواده صعبه علينا كتير لكن بيحاول يعمل خير
عايز يفهمنا الماده ولأى واحد نتحدى
ودكتورنا عاطف ابو غنيم مش عايز غلطه فى التصميم
دور علينا فى كشوفاته هتلاقى صفر فى درجاته
مع انى شايف ضحكاته والحب موجود فى صفاته
ده يا بخته اللي هيضحكله ويا ويله اللي يبرقله
ده العيب لا فيه ولا فينا دي مادته صعبة علينا
تعبنا فيها وعانينا وذاكرنا فيها ما خلينا
و بكت قلوبنا وعنينا وبردو ولا ضحكت لينا
ياريت يا دكتور تحضرنا والله إحنا ما قصرنا
ويارب ده انت اللي سامعنا وعالم بحالنا وفاهمنا
ودكتور حبيبنا جالنا جديد بلده جارتنا دي بورسعيد
بيقولو اسمه احمد شعبان فى مادته راجل فنان
والله طيب وابن حلال دي كلمة حق لازم تتقال
وراجل اسمه احمد مجدي تفهم مواده هتعدي
دي رامات ووياها ريجيستر ولازم تركز وتفكر
ودكتور محمد أبو صديق اختار العلم يكونله صديق
ده بيدي ماده اسمها ديتا منها بقول لامي يا تيتا
وعمارة قسم الرسيمة الوان وحركات في السيما
لا فيزيا توجع في قلوبهم ولا ماس تكتر في همومهم
دكتورة نيللي دي أميرة وفي قسم عمارة دي خبيرة
ودكتور نبيل ابن الكسار للحب قلبه ياناس اختار
دكتور علينا كتير غالي نظام وعلمه لفوق عالي
يمكن يكون قلمي ناسي دكاترة جوه في احساسي
سامحوني لو كنت أنا ناسي وباقي الدكاترة على راسي
كفاية خلصت كلامي مع انه مش بس كلامي
ده كلام طلاب الكلية كلام قالوه وبحرية
و كلام حقيقي وليه معنى ويارب عالخير تجمعنا
كلمات
احمد الحجاوي
كلية الهندسه جامعة سيناء
ساحة النقاش