أمنيات عاشق ...... بقلم أبو يوسف محمد

قول لحزنك قول لدمعك

قول حبيبك ليه بعيد

انسى روحك وانسى وجعك

لو حبيبك بات سعيد

أصل قلبك هوة قلبى

وقلبى .... بيعشق جديد

********************

عيش بقلبك وبإحساسك

عيش فى ضلى عيش قريب

قول لأهلك قول لناسك

قول حبيبى قلبه طيب

قرب منى جوة فى حضنى

دا قلبى .... فى بعدك وحيد

********************

إزرع الخير والمحبة

أعشق النور والورود

خلى فرحك حبة حبة

يحس بعطر الوجود

أصل فرحك هوة فرحى

وفرحى .... بوجودك أكيد

********************

قول لكل الدنيا دايما

قلبى عاشق وبجنون

ولا عمر الدمعة تسكن

كحل عين طيب حنون

عيش يا قلبى فرح قلبى

وقلبى .... جنبك سعيد