جارى التحميل
استخدم زر ESC أو رجوع للعودة
$$$(شيال الحمول)$$$
بقلم الشاعر
======
فرج برعي ابراهيم
000000000000
يارب كترت الهموم علينا
طول عمري شيال الحمول
لطفك يا اله الكون بينا
يارب كون في العون
وحنن قلب الحكام علينا
ونزل رحمتك في قلوبهم
وبالعين ينظرو لينا
احنا ياما تعبنا ذل وهوان
وتعبت قلوبنا وعمر مااشتكينا
غير ليك ياسامع وشايف
دموع عنينا
الحمل زاد علي الاكتاف
ولا حد حاسس بينا
ومن حكمتك ولطفك ياربي
جعلت القوه في اجسامنا
نقدر نشيل ونتحمل
كل الالام علي اكتافنا
لأجل ماتعيش الكرامه فينا
ولا ننحني ولانطلب
من اي انسان يدينا
حكمتك ولطفك وكرمك
دايما ياربي تراعينا
أعجبني
المصدر: شيال الحمول --- للشاعر فرج برعي ابراهيم
