طبعك غريب يادى الزمن

طول عمرك ما تشبع لف

اطلع من وجع الاقى جرح

لاعمر الوجع م القلب راح

ولا الجراح ف يوم بتخف

بقول الاه طالعه من قلبى

تتعبه بزياده ولا تخففش

وياما يا زمن دايما تدور

بتجيب اللى فوق تحت

وديما قلاب ولا بتوقفش

بس جيت على راس

ياما دقت عليها طبول

والدق عليها ولا اثرش

انت صحيح يازمن غدار

بس الكريم مابينضمش

واه عليكى يادنيا دوراه

كما جوز رحايا مبتوقفش

اياكى ياعينى  يوم تبكى 

ولا تزعلى على معروف مرجعش

يا دنيا دوار منيش عارف كيف

دباحه وواخدانا بحد السيف

وكل اللى اصفا فى يوم له

ما لاقى وصفا له

دنيا غداره وخوانه

كما تربه فى جبانه

تاخد كل الغوالى وما خلت حد

وكل ما اسآلك على الحبايب

ما بلاقى منك ياخوانه رد

اه على اللى مات واندفن

وغسلوه ولبسوه الكفن

كل اللى باقى ليا فيكى

يا غداره غير بس الفتن

الله يرحم ويسامح اللى راح

وبكفايه يادنيا على جراح

الشاعر/عزالدين جبريل