بسم الله الرحمن الرحيم

حنان × حنان
( إلي مجهولة الاسم والعنوان )

كلمات / أحمد عبد اللطيف النجار
شاعر أم الدنيا

حبيبتي ، حياتي
روحي وذاتي
عمري اللي فات
وبكره اللي آتي
بأفكر في طيفك
وأحزن لخوفك
وأصبّر في قلبي
يقدّر ظروفك
وعدت ليالي
أفضل في حالي
أعاتب في نفسي
وقلبي اللي خالي
أسأل شعوري ..
دا لازم ضروري
يحب ويشعر ...
وما يكونش صوري
حناني حقيقي
وشيء مش مُزيّف
وقلبي الحزين
ينبض بضيقي ..
ولو مش نطقت
بحبي وصدقت ..
فؤادي يموت
بألمي وحريقي ..
حياتي تعالى
نصالح في روحنا
ونغسل جروحنا
ننسي الآسية
نعلي صروحنا
صروح المحبة
لازمها حبايب
وعطف وحنان
وعشق الأحبة
أصالح في ذاتك
تصالح في ذاتي
وأحس بحنانك
لأنك حياتي ...
وأشعر بهمسك
في أصعب حالاتي
ويمكن تسيبني
وبمكن أسيبك
مفيش حد عارف
نصيبه ونصيبك
وإيه المقّدر ....
وممكن يصيبك
علشان بس تعرف
شعورى وحناني
وعمري ما كنت
في حبك أناني
ولسه لخاطرك
بأفكر وأعاني
زمانك دا عمري
وقربك مكاني
تقبّل سلامي
وحبي وغرامي
وأحلي الأماني
أحلي الأماني
أحلي الأماني !

أحمد عبد اللطيف النجار
الشاعر المجروح