خزعبلات
...............
انا القلب اللي عاش مجنون
انا العاشق لكل عيون
انا الخلبوص ف احساسه
انا اللي قالوا عينيه زايغين
...............
انا اللي لما يشوف واحده
قلبه يدق 100 دقه
انا اللي صاحب في شبابه
كل بنت ف الحته
انا اللي وصفه كان شمشون
...............
فيكم حد يوم فكر
ليه انا بعشق السكر
ليه انا غاوي اتنطط
واعيش دايما ف دور عنتر
واكون ف عيونكوا شئ ملعون
...............
مين اللي فيكوا تكون كامله
مين اللي قدرت تكون عبلة
مين اللي فهمت عيون زايغه
وايه اللي هيا بتدور عليه
غير لحظة حنان بتكون
...............
جنون / سامى محمود حنفى
